Шерхон Салимзода дар ҷаласаи навбатии Шӯрои ҳамоҳангсозии СААД иштирок намуд
ДУШАНБЕ, 12.06.2017 /АМИТ «Ховар»/. Директори Агентии назорати маводи нашъаовари назди Президенти Ҷумҳурии Тоҷикистон Шерхон Салимзода дар шаҳри Мински Ҷумҳурии Белорус дар ҷаласаи навбатии Шӯрои ҳамоҳангсозии роҳбарони мақомоти ваколатдори мубориза бо муомилоти ғайриқонунии маводи нашъаовари давлатҳои аъзои Созмони Аҳдномаи амнияти дастаҷамъӣ (СААД) иштирок ва суханронӣ намуда, доир ба вазъи сарҳади Тоҷикистону Афғонистон, натиҷаҳои фаъолияти мақомоти ваколатдори Тоҷикистон дар самти мубориза бо муомилоти ғайриқонунии маводи нашъаовар, пешгирии нашъамандӣ ва ҳамкориҳои байналмилалӣ дар ин самт маълумот дод. Дар ин бора ба АМИТ “Ховар” аз маркази матбуоти Агентии назорати маводи нашъаовари назди Президенти Ҷумҳурии Тоҷикистон хабар доданд.
Бино ба иттилои манбаъ, дар ҷаласаи мазкур Шерхон Салимзода ҳамчунин таъкид намуд, ки масъалаи қочоқи маводи нашъаовари афғонӣ ва моддаҳои сахттаъсири психотропӣ ба Тоҷикистон ташвишовар боқӣ мемонад.
Бояд зикр намуд, ки дар ҷаласаи навбатии Шӯрои ҳамоҳангсозии роҳбарони мақомоти ваколатдори мубориза бо муомилоти ғайриқонунии маводи нашъаовари давлатҳои аъзои Созмони Аҳдномаи амнияти дастаҷамъӣ муовини Дабири кулли СААД Ара Бадалян, муовини Котиби давлатии Шӯрои амнияти Ҷумҳурии Белорус Андрей Втюрин ва дигарон ширкат варзиданд.
Аъзоёни Шӯрои ҳамоҳангсозӣ дар бораи рушди минбаъдаи ҳамкориҳои судманд, баргузории амалиётҳои муштараки зиддимухаддиротӣ, вусъат додани мубориза бар зидди ҷинояткории трансмиллӣ ва бастани роҳҳои қочоқи маводи нашъаовари афғонӣ ба ҳудуди давлатҳои СААД изҳори назар намуданд.
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
