Қӯшунҳои сарҳадӣ дар доираи амалиёти «Кӯкнор-2017» зиёда 185 кг маводи мухаддир мусодира намуданд
ДУШАНБЕ, 21.06.2017 /АМИТ «Ховар»/. Дар доираи амалиёти «Кӯкнор-2017» аз ҷониби хизматчиёни ҳарбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон зиёда аз 185 кг маводи мухаддир ошкор ва мусодира карда шуд.
Тавре ба АМИТ «Ховар» аз маркази матбуоти ниҳоди мазкур хабар доданд, аз тарафи хизматчиёни ҳарбии ҷузъу томҳои Қӯшунҳои сарҳадӣ 6 кг 761 гр героин, 33 кг бангдона, 81 кг 680 гр ҳашиш, 63 кг 77 гр афюн, 1 кг амфетамин ва 179368 ниҳоли банги худрӯй мусодира гардид.
Бояд гуфт, ки амалиёти «Кӯкнор» бо мақсади ошкор, пешгирӣ ва боздошт намудани интиқоли ғайриқонунии маводи мухаддир ҳамасола дар қаламрави кишвар дар ду марҳила – аз 20 май то 31 август ва аз 1 сентябр то 30 ноябр гузаронида мешавад.
Барои амалӣ намудан, назорат ва ҳамоҳанг сохтани фаъолияти мақомоти ҳифзи ҳуқуқ, сохторҳои қудратӣ ва ҳокимияти маҳаллӣ дар шаҳри Душанбе, ВМКБ, вилоятҳо, шаҳру ноҳияҳо ситодҳои корӣ ташкил гардидаанд.
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
