Владимир Колоколсев: «ВКД Ҷумҳурии Тоҷикистон шарики боэътимоди давлатҳои аъзои ИДМ буда, дар мубориза бар зидди таҳдиду хатарҳои замони муосир нақши назаррас мегузорад»
ДУШАНБЕ, 28.06.2017 /АМИТ «Ховар»/. Имрӯз дар шаҳри Душанбе ҷаласаи навбатии Шӯрои вазирони корҳои дохилии давлатҳо — иштирокчиёни аъзои ИДМ оғоз гардид.
Тавре хабарнигори АМИТ «Ховар» иттилоъ дод, дар ҷаласа сараввал вазирони корҳои дохилии давлатҳо — иштирокчиёни аъзои ИДМ-ро Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳузур пазируфта, масоили ҳамкории афзалиятноки дуҷониба ва бисёрҷониба дар самти мубориза бо терроризму экстремизм ва дигар таҳдиду хатарҳои замони муосирро мавриди баррасӣ қарор доданд.
Зикр гардид, ки танҳо дар якҷоягию ҳамбастагӣ ва ҳамкории муштарак метавон бо ҷиноятҳои муташаккилонаи фаромиллӣ мубориза бурда, самараи дилхоҳ ба даст овард.
Дар ҷаласаи Шӯрои вазирони корҳои дохилии давлатҳо — иштирокчиёни аъзои ИДМ нахуст Вазири корҳои дохилии Ҷумҳурии Тоҷикистон генерал-лейтенанти милитсия Рамазон Раҳимзода ташрифи ҳайати баландпояро ба кишвари офтобии Тоҷикистон хайра мақдам гуфта, изҳор дошт, ки мубориза бо ҷинояту ҷинояткорӣ ва ҳама гуна зуҳуроти номатлуб аз ҳамкории мутақобилан судманди дуҷониба ва бисёрҷониба маншаъ гирифта, дар ин ҷода ҳамкории вазоратҳои корҳои дохилии ИДМ дар сатҳи баланд ба роҳ монда шудааст.
«Ин имкон медиҳад, ки дар пешгирии ҷиноятҳои фаромиллӣ, аз қабили терроризм, экстремизм, гардиши ғайриқонунии маводи мухаддир ва дигар ҷиноятҳои муташаккил ба натиҷаҳои назаррас ноил гардем»,-илова намуд Р. Раҳимзода.
Сипас, Раиси Шӯрои вазирони корҳои дохилии ИДМ, Вазири корҳои дохилии Федератсияи Россия генерали политсия Владимир Колоколтсев ҳозиринро ба ҷашни 20-солагии Ваҳдати миллии Ҷумҳурии Тоҷикистон табрик намуд. Мавсуф зикр кард, ки Вазорати корҳои дохилии Ҷумҳурии Тоҷикистон иттифоқчӣ ва шарики боэътимоди давлатҳои аъзои ИДМ буда, дар мубориза бар зидди таҳдиду хатарҳои замони муосир нақши назаррас мегузорад.
Дар ҷараёни ҷаласа дурнамои ҳамкории афзалиятноки вазоратҳои корҳои дохилии ИДМ ва амалӣ намудани барномаҳои байнидавлатии мубориза бар зидди ҷинояткорӣ, лоиҳаи байнидавлатии барномаҳои муштарак дар самти мубориза бо ҷинояткорӣ барои солҳои 2019-2023, иҷрои қарорҳои қаблан қабулгардидаи Шӯрои вазирони корҳои дохилии ИДМ оид ба таъмини ҳифзи тартиботи ҷамъиятӣ ва амнияти шаҳрвандон ҳангоми чорабиниҳои оммавӣ баррасӣ хоҳанд гардид.
Дар айни замон ҷаласаи Шӯрои вазирони корҳои дохилии ИДМ идома дошта, аз ҷараёни он иловатан иттилоъ хоҳем дод.
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
