Дар шаҳри Боку чорумин ҷаласаи Комиссияи байниҳукуматӣ оид ба ҳамкориҳои иқтисодию тиҷоратии Тоҷикистон ва Озарбойҷон баргузор гардид

Июль 15, 2017 10:49

ДУШАНБЕ, 15.07.2017 /АМИТ «Ховар»/. Дар шаҳри Боку чорумин ҷаласаи Комиссияи байниҳукуматӣ оид ба ҳамкориҳои иқтисодию тиҷоратии Ҷумҳурии Тоҷикистон ва Ҷумҳурии Озарбойҷон баргузор гардид.

Ҷаласа таҳти роҳбарии Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода ва Вазири иқтисоди Ҷумҳурии Озарбойҷон Шоҳин Мустафоев доир гардида, дар он намояндагони расмии ду кишвар иштирок доштанд.

Зимни ҷаласа ҷонибҳо оид ба рушди соҳаи иқтисодӣ ва сиёсати пешгирифтаи иқтисодии кишварҳои худ иттилоъ дода, ҷиҳати рушди ҳамкориҳои минбаъда, аз ҷумла густариши муносибатҳои иқтисодӣ, таҳкими ҳамкориҳо дар соҳаҳои саноат, нақлиёт, энергетика, телекоммуникатсия ва технологияи муосир, кишоварзӣ,   тандурустӣ, илму маориф, фарҳанг ва туризмро мавриди баррасӣ қарор доданд. Ҳамчунин дар  ҷаласа тазаккур дода шуд, ки баргузории чорабинии мазкур барои муайян намудани самтҳои нав ва тавсеаи самтҳои мавҷудаи ҳамкориҳои иқтисодӣ ва    дурнамои рушди минбаъдаи онҳо мусоидат менамояд.

Ҷаласа дар фазои дӯстона, созанда ва ҳусни тафоҳум ҷараён гирифта, дар фарҷом Протоколи ҷаласаи чоруми Комиссияи байниҳукуматӣ оид ба ҳамкориҳои тиҷоратию иқтисодӣ ба имзо расид.

Дар  чаҳорчӯбӣ чорумин ҷаласаи Комиссияи байниҳукуматӣ оид ба ҳамкориҳои иқтисодию тиҷоратӣ миёни Ҷумҳурии Тоҷикистон ва Ҷумҳурии Озарбойҷон нишасти корӣ дар мавзӯӣ «Фазои сармоягузорӣ ва имкониятҳои мусоиди соҳибкорӣ дар Ҷумҳурии Тоҷикстон ва Стратегияи миллии рушди Ҷумҳурии Тоҷикистон барои давраи то соли 2030»  бо иштироки доираи васеи намояндагони соҳавии ширкатҳои давлатӣ ва хусусӣ доир шуд.

Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода Стратегияи миллии рушди Ҷумҳурии Тоҷикистон то соли 2030-ро ба ҳозирин шарҳ дода, иштирокдорони нишасти мазкурро бо Фазои сармоягузорӣ ва имкониятҳои мусоиди соҳибкорӣ дар Ҷумҳурии Тоҷикистон ошно намуд.

«Ҳукумати Ҷумҳурии Тоҷикистон ҷиҳати самаранок истифода бурдани имкониятҳои сармоягузории кишвар бо мақсади баланд бардоштани сатҳи некӯаҳволии мардум,  такмил додани қонунгузории кишвар мутобиқ ба талаботи иқтисоди бозоргонӣ ва тамоюлҳои муосири иқтисоди ҷаҳонӣ ҳамеша саъю кӯшиш менамояд. Давоми  чанд соли охир, бо мақсади таъмини озодии соҳибкорӣ, ҳифзи ҳуқуқҳои соҳибмулкон, соддагардонии расмиёти бақайдгирии соҳибкорӣ, кам кардани ҳуҷҷатҳои иҷозатдиҳӣ ва ба танзим даровардани низоми назорат ислоҳоти назаррас роҳандозӣ гардид»,- гуфт Неъматулло Ҳикматуллозода.

Номбурда иброз дошт, ки  Тоҷикистон бозори имконпазир барои сармоягузории Озарбойҷон аст ва ширкатҳои озарбойҷонӣ метавонанд ба таври фаъол бо ҳамтоёни худ аз Тоҷикистон ҳамкорӣ намоянд.

Дар охир табодули афкор сурат гирифта, паҳлӯҳои гуногуни фаъолияти иқтисодӣ ва сармоягузорӣ дар Ҷумҳурии Тоҷикистон мавриди муҳокима қарор гирифтанд.

Июль 15, 2017 10:49

Хабарҳои дигари ин бахш

Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд