Георгий Кошлаков дар сини 81-солагӣ даргузашт

Июль 8, 2017 12:16

ДУШАНБЕ, 08.07.2017./АМИТ «Ховар»/. Дар Душанбе дирӯз, 7 июл собиқ муовини Раиси Шӯрои вазирони Тоҷикистон, собиқ мушовири калони Президенти Ҷумҳурии Тоҷикистон Георгий Кошлаков   бар асари сактаи қалб дар сини 81-солагӣ аз олам даргузашт. Дар ин бора ба АМИТ «Ховар» аз Донишгоҳи славянии Тоҷикистону Россия, ки Георгий Вадимович то рӯзҳои вопасини умраш дар он ҷо кор мекард, хабар доданд.

Кошлаков аз зумраи он мансабдорони русзабони даврони шӯравии Тоҷикистон буд, ки баъд аз пошхӯрии Иттиҳод кишварро тарк накарданд ва барои кору зиндагӣ дар инҷо боқӣ монданд.

Георгий Вадимович Кошлаков 8 феврали соли 1936 дар шаҳри Свердловски (ҳозира Екатеринбург) Россия ба дунё омада, Донишкадаи политехникии Тошкандро хатм кардааст. Соли 1974 сардори Раёсати геологияи Тоҷикистон, аз соли 1984 муовини  аввали раиси Шӯрои вазирони Тоҷикистон таъйин шуда буд. Ӯ охири солҳои 90-ум дар вазифаҳои  Вазири саноату захираҳои модӣ ва Раиси Кумитаи давлатии Тоҷикистон оид ба иқтисод ва банақшагирӣ (Госплан) низ кор кардааст.

Г. Кошлаков узви вобастаи  Академияи байналмилалии муҳандисӣ буд, соли 1977 Ҷоизаи давлатии Тоҷикистон дар соҳаи илму техника  ба номи Абуалӣ ибни Сино, 1986 унвонҳои ифтихории «Муҳандиси хизматнишондодаи Тоҷикистон» ва «Геологи фахрии СССР» ва соли 2006  унвони «Аълочии  маорифи Ҷумҳурии Тоҷикистон»-ро   соҳиб шудааст.

Профессор Георгий Кошлаков дар солҳои бознишастагиаш аз соли 2011 инҷониб ба ҳайси устоди Донишгоҳи славянии Тоҷикистону Россия фаъолият дошт ва раҳбари кафедраи иқтисод ва менеҷмент буд.

 

Июль 8, 2017 12:16

Хабарҳои дигари ин бахш

Имрӯз дар баъзе аз минтақаҳои Тоҷикистон хавфи омадани сел боқӣ мемонад
ҲАР КАС БА ЗАБОНИ ХУД СУХАНДОН ГАРДАД. Китобҳо дар нигоҳ доштани забон нақши аввалияро мебозанд
Дар кӯчаҳои Хоруғ 150 қуттии муосир барои партовҷамъкунӣ гузошта шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе минтақаҳои Тоҷикистон хавфи омадани сел боқӣ мемонад
Дар Душанбе ҷаласаи муштараки Платформаи миллии коҳиши хатари офатҳои табиӣ баргузор шуд
Дар Суғд саҳми шуроҳои ҷамъиятиро дар амалишавии ислоҳоти милитсия баррасӣ намуданд
Имрӯз дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУҚУҚӢ. Роҳбарияти Раёсати Вазорати корҳои дохилӣ дар вилояти Хатлон бо фаъолзанони шаҳри Кӯлоб вохӯрӣ намуд
23 июл Анҷумани ғайринавбатии Ҳизби сотсиалистии Тоҷикистон доир мешавад
20 июл Анҷумани ғайринавбатии Ҳизби ислоҳоти иқтисодии Тоҷикистон баргузор мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад