Раиси Кумитаи телевизион ва радио пешниҳоди хабарнигори рӯзномаи «Садои мардум»-ро ҷонибдорӣ кард
ДУШАНБЕ, 14.07.2017 /АМИТ «Ховар»/. Имрӯз дар Кумитаи телевизион ва радиои назди Ҳукумати Ҷумҳурии Тоҷикистон нишасти матбуотӣ оид ба натиҷаҳои фаъолият дар шаш моҳи соли равон баргузор гардид. Дар нишасти мазкур байни роҳбарияти Кумита ва намояндагони воситаҳои ахбори омма дар мавзӯъҳои сатҳу сифати барномаҳои Телевизиони «Тоҷикистон», забони онҳо, рушди синамои тоҷик ва дигар масъалаҳои марбут ба соҳа суолу ҷавоб сурат гирифт.
Дар нишасти хабарӣ хабарнигори рӯзномаи «Садои мардум» Тилло Некқадам пешниҳод намуд, ки тавре синамогарони қазоқ дар бораи Президенташон Нурсултон Назарбоев филми ҳунарӣ офаридаанд, хуб мешуд, ки синамогарони тоҷик низ чунин як филме ба навор гиранд, ки тамоми паҳлӯҳои ҳаёт ва фаъолияти Пешвои миллатро инъикос намояд. Раиси Кумита Маҳмадсаид Шоҳиён роҷеъ ба пешниҳоди мазкур зикр кард, ки филми бадеии «Фазои бачагии ман» («Небо моего детства») –ро, ки дар бораи Нурсултон Назарбоев таҳия шудааст, тамошо кардааст, ки он хеле хуб офарида шудааст. Номбурда илова намуд, ки синамогарони тоҷик низ дар ин маврид нақшаҳои зиёд доранд ва барои офаридани филми ҳунарӣ дар бораи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми имкониятҳоро доранд. М.Шоҳиён ҳамчунин зикр кард, ки Кумитаи телевизион ва радиои ҷумҳурӣ омода аст барои дарёфти беҳтарин сенария озмун эълон намояд ва ҳамаи эҷодкорони ҷумҳурӣ метавонанд дар он иштирок намоянд.
Роҳбарияти кумита зимни посух ба суолҳои хабарнигорон дар бораи тадбирҳои андешидашуда дар мавриди ба ҷойи филмҳои бегона, аз ҷумла туркиву эронӣ таҳия ва пахш намудани филмҳои ҳунарии истеҳсоли синамогарони тоҷик, ки тараннумгари таъриху фарҳанги миллат, аз ҷумла либоси миллӣ мебошанд, посух дода, аз ҷумла зикр намуд, ки айни ҳол лоиҳаи «Барномаи рушди кино барои солҳои 2018-2022» таҳия гардида истодааст ва роҳандозии барномаи мазкур барои тавлиди беҳтарин филмҳои ҳунарии истеҳсоли синамогарони тоҷик мусоидат хоҳад кард.
Дар нишаст ҳамчунин зикр гардид, ки бо мақсади рушди синамои тоҷик дар бораи ба корхонаи мустақил табдил додани Киностудияи «Тоҷикфилм» пешниҳодҳо таҳия гардида истодаанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
