«Тоҷикматлубот» дар Душанбе барои нигоҳдории 3000 тонна маҳсулоти кишоварзӣ анбор бунёд мекунад
ДУШАНБЕ, 20.07.2017 / АМИТ «Ховар»/. Аз тарафи Иттифоқи «Тоҷикматлубот» бо мақсади таъмин намудани аҳолии пойтахт бо маводи озуқа ва пешгирии болоравии нархҳо дар бозори истеъмолӣ дар шаҳри Душанбе мунтазам ярмаркаҳои фурӯши маҳсулоти кишоварзӣ гузаронида мешаванд. Дар ин бора Раиси Раёсати Иттифоқи «Тоҷикматлубот» Ҳусайн Идиев имрӯз, 20 июл зимни нишасти матбуотӣ ба хабарнигорон иттилоъ дод.
Номбурда иброз дошт: «Дар маҳаллаҳои шаҳри Душанбе бо мошинҳои махсуси боркашонӣ ҳамарӯза савдои сайёри маҳсулоти кишоварзӣ ва анвои дигар маводи ғизоӣ ба роҳ монда шудааст. Инчунин бо мақсади дар фасли тирамоҳу зимистон таъмин намудани аҳолии пойтахт бо маҳсулоти кишоварзӣ дар ояндаи наздик бо дастгирии бевоситаи Раиси шаҳри Душанбе Рустами Эмомалӣ барои нигоҳдории 3000 тонна маҳсулоти кишоварзӣ ва молҳои талаботи аввалиндараҷа як анбор сохта ба истифода дода мешавад».
Тавре маълум аст, тайи чанд моҳи охир дар ҳудуди шаҳри Душанбе майдончаҳои нави варзишӣ ва бозии кӯдакона ба таври замонавӣ сохта ба истифода дода шуда истодаанд, ки барои оммавӣ гардонидани варзиш ва тарғиби тарзи ҳаёти солим мусоидат хоҳанд кард.
Дар ин маврид Раиси Раёсати Иттифоқи «Тоҷикматлубот» иброз намуд: «Иттифоқи «Тоҷикматлубот» дар маҳаллаи «Сабзазор»-и ноҳияи Исмоили Сомонии шаҳри Душанбе сохтмони майдончаи варзишӣ ва бозии кўдаконро ба анҷом расонидааст, ки 22 июл ба истифода дода мешавад».
Яке аз самтҳои асосии сиёсати пешгирифтаи Ҳукумати Ҷумҳурии Тоҷикистон, махсусан Пешвои миллат муҳтарам Эмомалӣ Раҳмон- ин бо ҷойи кори шоиста ва доимӣ таъмин намудани аҳолии мамлакат мебошад. Дар ин самт Сарвари давлат пайваста ба масъулини соҳаҳои мухталифи мамлакат дастуру супоришҳои мушаххас медиҳанд.
«Дар шашмоҳаи аввали соли 2017 дар соҳаи кооператсияи матлуботи ҷумҳурӣ барои 72 нафар ҷойҳои нави корӣ муҳайё карда шуд. Инчунин донишҷӯёне, ки барои гузаштани таҷрибаомӯзӣ ба «Тоҷикматлубот» меоянд, пас аз итмоми таҷрибаомӯзӣ бо хоҳиши худ ба кор ҷалб карда мешаванд, ки ин раванд дар Соли ҷавонон имконияти хубе барои онҳо хоҳад буд»,- иброз дошт Ҳусайн Идиев.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
