Соҳибкори маҳаллӣ дар ҷамоати деҳоти Навободи ноҳияи Шуғнон майдончаи варзишӣ бунёд кард
ХОРУҒ, 05.09.2017 /АМИТ «Ховар»/. Бахшида ба Соли ҷавонон дар маркази ҷамоати деҳоти Навободи ноҳияи Шуғнон майдончаи варзишӣ мавриди баҳрабардорӣ қарор гирифт. Акнун ҷавонони ин ҷамоат имкон пайдо карданд, ки ҳам тамрин намоянд ва ҳам аз намудҳои мухталифи варзишӣ, ба мисли баскетболу волейбол, тӯби дастию гӯштин мусобиқа баргузор намоянд. Соҳибкори маҳаллӣ Гуламадшо Шосафедов гуфт, ки аксарияти ҷавонони деҳот ба варзиш майлу рағбати зиёд доранд, аммо барои машқу бозӣ ҷои муносиб надоштанд.
Дар давоми ду моҳ майдонча бо қувваи ҷавонон бунёд гардид. Он дорои бештар аз ду ҳазор ҷои нишаст буда, бо таҷҳизоти зурурии варзишӣ таъмин карда шуд.
Тавре Хусравбек Шакарбеков, сокини деҳа гуфт, «акнун дар ин майдончаи варзишӣ на танҳо мусобиқаҳои варзиширо байни ҷамоатҳои деҳоти ноҳия баргузор кардан мумкин аст, балки сокинони ҷамоат метавонанд ҷашну маросимҳои давлатию миллиро низ дар ин ҷо ботантана доир намоянд».
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
