Тоҷикистон ба амалигардонии Ҳадафҳои Рушди Устувор таваҷҷуҳи махсус медиҳад
ДУШАНБЕ, 22.09.2017/АМИТ «Ховар»/. Дар Душанбе дар мавзӯи «Вусъат бахшидани ҳамоҳангсозии байниидоравии мақомоти масъул дар сабти асноди ҳолати шаҳрвандӣ ва омори ҳаётӣ дар Ҷумҳурии Тоҷикистон» ҳамоиш доир гардид. Дар он вакилони Парлумони Тоҷикистон ва кормандони масъули вазорату идораҳои ҷумҳурӣ иштирок намуданд.
Хайриниссо Юсуфӣ, муовини раиси Маҷлиси намояндагон зимни конфронс гуфт, ки «Ҳукумати Ҷумҳурии Тоҷикистон ва Барномаи рушди Созмони Милали Муттаҳид /СММ/ 24 сол қабл дар чандин бахш Созишнома дар бораи ҳамкории судманд ба имзо расониданд. Тоҷикистон ҳамчун узви комилҳуқуқи ҷомеаи ҷаҳонӣ, дар радифи дигар кишварҳои дунё Декларатсияи Ҳадафҳои Рушди Ҳазорсоларо (ҲРҲ) ба тасвиб расонид. ҲРҲ то соли 2015-ум 8 мақсади асосӣ, аз қабили паст кардани сатҳи камбизоатӣ ва гуруснагӣ дар ҷаҳон, ба таҳсил фаро гирифтани аҳолӣ, баробарии гендерӣ ва баланд бардоштани маърифати ҳуқуқии занон, пешгирии фавти кӯдакон, беҳтар намудани ҳифзи солимии аҳолӣ, мубориза бар зидди паҳншавии бемориҳои сироятӣ, таъмини устувории экологӣ ва инчунин тавсеаи ҳамкории ҷаҳонӣ бо мақсади рушдро муайян намуда буд».
Соли 2015 Ҳадафҳои Рушди Устувор барои то соли 2030 қабул гардид. Таъкид гардид, ки Парлумони Тоҷикистон ба Декларатсияи Ҳадафҳои Рушди Устувор эътибори ҷиддӣ дода, барои амалӣ гардидани ҳадафҳои он бо қабули санадҳои меъёрии ҳуқуқӣ саҳми босазо мегузорад. Дар ин росто се сол пеш дар назди Маҷлиси намояндагон Кумитаи миллӣ оид ба масъалаҳои аҳолӣ ва рушд таъсис дода шуд.
Зикр шуд, ки бо ибтикори Президенти Ҷумҳурии Тоҷикистон муҳтарам Эмомалӣ Раҳмон силсилаи санадҳои меъёрӣ – ҳуқуқӣ таҳия ва ба тасвиб расидаанд, ки ҷиҳати ба низом даровардани сабти асноди ҳолати шаҳрвандӣ ва риояи талаботи санадҳои қонунгузорӣ муфиду арзишманд ва ҷавобгӯи замон мебошанд.
Иштирокдорони конфронс аз як зумра марказу муассисаҳои тандурустии ҷумҳурӣ дидан намуданд.
Дар Маҷлиси миллии Маҷлиси Олии Ҷумҳурии Тоҷикистон масъалаҳои аграрӣ, шуғли аҳолӣ ва экология баррасӣ шуданд
Масъалаҳои омодагӣ ба Конфронси байналмилалии сатҳи баланд оид ба ҳифзи пиряхҳо дар Душанбе баррасӣ шуданд
Пойгоҳҳои базавии мустақил — барои корхонаю фабрикаҳо
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Кумитаи телевизион ва радио бахшида ба 30-солагии таъсиси Ҳизби Халқии Демократии Тоҷикистон ҳамоиш доир шуд
Ду сокини ноҳияи Ёвон барои риоя накардани қонуни танзим ҷарима карда шуданд
Дар Беморхонаи марказии шаҳри Кӯлоб хизматрасонии тиббӣ беҳтар мешавад
«ПЕШВОИ МАН-ИФТИХОРИ МАН». Дар Душанбе байни кӯдакони ятиму бепарастор озмун оғоз гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ҳунармандони Мастчоҳ соҳиби грантҳои раиси ноҳия шуданд
«НАҚШИ ҶАВОНОН ДАР ДАВРОНИ СОҲИБИСТИҚЛОЛӢ -ДАСТОВАРД ВА ДУРНАМО». Дар Душанбе ҳамоиши кормандони ҷавони соҳаи роҳи оҳан доир шуд
«МО НАКУНЕМ, КӢ МЕКУНАД?». Дар Душанбе бо иштироки волонтёрон аксияи зимистона баргузор гардид
