Дар Душанбе Шӯрои машваратии бонкҳои марказӣ ва ҳимояи ҳуқуқи истеъмолкунандагони молиявӣ доир гардид
ДУШАНБЕ, 30.11.2017 /АМИТ «Ховар»/. Дар Маркази таълимии Бонки миллии Тоҷикистон ҷаласаи 5-уми Шӯрои машваратии бонкҳои марказӣ (миллӣ) бо иштироки намояндагони бонкҳои марказии (миллии) ҷумҳуриҳои Қазоқистон, Арманистон, Россия, Беларус, Тоҷикистон ва Қирғизистон оид ба ҳимояи ҳуқуқи истеъмолкунандагони хизматрасониҳои молиявӣ баргузор гардид.
Тавре аз Бонки миллии Тоҷикистон хабар доданд, дар ҷаласа аз ҷониби Бонки миллии Тоҷикистон муовини раиси Бонк Лола Салимова ва намояндагони Идораи ҳимояи ҳуқуқҳои истеъмолкунандагони хизматрасониҳои молиявӣ ширкат варзиданд.
Дар ҷараёни ҷаласаи Шӯрои машваратии бонкҳои марказӣ иштирокдорон оид ба самтҳои гуногуни ҳимояи ҳуқуқҳои истеъмолкунандагони хизматрасониҳои молиявӣ, инчунин пешниҳоди хизматрасониҳои молиявии электронӣ, баланд бардоштани маърифати молиявии аҳолӣ бо муаррифиномаҳои ҷолиб баромад карданд.
Иштирокдорони ҷаласа ҳамчунин аз таҷрибаи кишварҳои худ дар самти ҳимояи ҳуқуқҳои истеъмолкунандагони молиявӣ табодули таҷриба намуда, аз дастовардҳои худ дар ин раванд иттилоъ доданд.
Дар ҷаласаи мазкур аз ҷониби иштирокчиён нақшаи кории Шӯрои машваратии бонкҳои марказӣ (миллӣ) оид ба ҳимояи ҳуқуқи истеъмолкунандагони хизматрасониҳои молиявӣ барои солҳои 2017 -2018 тасдиқ гардида, самтҳои афзалиятноки фаъолияти Шӯрои мазкур, аз ҷумла, рушди механизми то судии ҳалли баҳсҳо (медиатсия), таҳияи стандартҳои ҳадди ақал оид ба амонату пасандозҳо ва беруннавис аз суратҳисоби муштариён, баланд бардоштани сатҳи саводнокии молиявии мактаббачагон ва муҳоҷирони меҳнатӣ муайян карда шуданд.
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Вобаста ба Лоиҳаи USAID оид ба рушди соҳибкорӣ ва таъсиси ҷойи кор дар Тоҷикистон машварати иттилоотӣ доир шуд
Имрӯз дар баъзе ноҳияҳои Тоҷикистон туман мефарояд
Имрӯз дар Агентии хизмати давлатӣ, Академияи идоракунии давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ ва Саридораи геология нишасти матбуотӣ доир мегардад
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
Дар шаҳри Турсунзода иди Сада бо риояи суннатҳои аҷдодӣ таҷлил гардид
«Сомон Эйр» мутахассисони баландихтисосро ба кор даъват мекунад
Имрӯз дар Тоҷикистон ҳавои тағйирёбандаи бебориш пешгӯӣ мешавад
