Дар Истанбул Рӯзи Конститутсияи Тоҷикистон таҷлил гардид
АНҚАРА, 08.11.2017 /АМИТ «Ховар»/. Ба муносибати Рӯзи Конститутсия ва Иҷлосияи 16-уми Шӯрои Олии Ҷумҳурии Тоҷикистон мулоқоти Консули генералии Тоҷикистон дар Истамбули Туркия Мизробиддин Сафаров бо шаҳрвандони тоҷики муқими ин шаҳр ва атрофи он баргузор гардид.
Консули генералӣ доир ба таърих ва аҳамияти баргузории иҷлосияи таърихии 16-уми Шӯрои Олӣ, саҳми бузурги Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар барқарории сулҳу субот ва дастоварҳои Ҳукумати кишвар дар даврони Истиқололият сухан гуфт.
Зикр гардид, ки қабули нахустин Конститутсия рӯйдоди дорои аҳамияти бузурги таърихиву сиёсӣ ба ҳисоб рафта, баёнгари маданият ва ҷаҳонбинии пешрафтаи ҳуқуқии халқи тоҷик аст. Конститутсияи Ҷумҳурии Тоҷикистон ба тамоми меъёрҳои ҷомеаи ҷаҳонӣ мутобиқ буда, кафили озодиҳои инсон ва шаҳрвандон дар кишвар ва танзимкунандаи меъёрҳои ҳуқуқии ҷомеаи демократӣ мебошад. Ин санади воқеан ҳам тақдирсоз ояндаи дурахшони ҷомеаи моро муайян намуда, мояи ифтихор ва сарфарозии ҳар як шаҳрванди ватандӯсти мамлакат ва дастоварди муҳимтарини даврони истиқлол шуморида мешавад.
Таъкид гардид, ки имрӯзҳо зуҳуроти харобиовари ифротгароӣ ва террористӣ хусусияти байналмилалӣ касб кардааст. Дар ин замина, доир ба аъзои ташкилотҳои террористию экстремистие, ки фаъолияти онҳо дар Тоҷикистон бо қарори Суди Олии Ҷумҳурии Тоҷикистон қатъ гардидааст, аз ҷумла, фаъолияти ТЭТ ҲНИТ ва «Гурӯҳи-24», ки пайвандҳои қавӣ бо ташкилотҳои бузурги террористию экстремистии байналмилалӣ доранд, маълумот дода шуд.
Зимни мулоқот аз ҳамватанон хоҳиш карда шуд, ки ба фиреби ҳар гуна неруҳои манфиатхоҳи бегона, аз ҷумла, ҳизбу гурӯҳҳо ва созмонҳои ифротгаро дода нашаванд.
Зикр гардид, ки мубориза бо ин вабои аср на танҳо вазифаи давлат, балки вазифаи муҳими ҳар шаҳрванди Тоҷикистон мебошад.
Пас аз анҷоми мулоқот дастурхони идона бо хӯрокҳои миллӣ ороста шуда, намунаи ҳунарҳои мардумӣ, асарҳои косибӣ, китобҳо оид ба фарҳанги мардуми Тоҷикистон ва маводи таблиғотӣ доир ба муаррифии симои кишварамон ба иштирокчиён манзур гардиданд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
