«МУАЛЛИМУ ТАЛАБА ЗАНОЗАНӢ КАРДАНД». Ба муаллиме, ки зимни вазифаи хизматӣ ба қонуншиканӣ роҳ дод, «сарзаниш» эълон гардид
ДУШАНБЕ, 03.11.2017 /АМИТ «Ховар»/. Ҳафтаи сипаришуда дар шабакаи Интернет навори видеоӣ зери унвони «Муаллиму талаба занозанӣ карданд» ба гардиш даромад, ки хонандагону корбарони зиёди шабакаи интернетиро бетараф нагузошт.
Ба иттилои корманди маркази матбуоти Вазорати маориф ва илми Ҷумҳурии Тоҷикистон Эҳсони Хушбахт, баъди пахши навор дар назди сардори сарраёсати маорифи шаҳри Душанбе гурӯҳи кории фаврӣ таъсис ёфт. Дар муддати кӯтоҳ ҳодисаи рухдода омӯхта шуда, маълум гардид, ки ин муноқиша дар мактаби № 75 ноҳияи Фирдавсии шаҳри Душанбе рух додааст.
Тибқи иттилои манбаъ, моҳи майи соли 2017, ҳангоми навбатдории муаллим хонандаи синфи 11 «б» Сайдалӣ Асоев пайдо шуда, ба китфи муаллим бадқасдона мезанад ва ба дохили синфхона ворид мешавад. Сипас, муаллим аз паси ў вориди синфхона шуда, аз Асоев сабаби чунин рафторашро мепурсад. Хонанда бо суханони таҳқиромез пайи ҳам омўзгорро бо лаҳни қабеҳ «аз қафои кори худут шав» гўён дашном дода, масхара мекунад. Муаллим дар назди шогирдон аз ин суханони хонанда, ки бевосита ба ў дарс гуфтааст, асабонӣ шуда, ҳолати рӯҳии худро идора карда наметавонад ва мизро ба сўи Сайдалӣ Асоев мепартояд. Дар баробари оне, ки хонанда С.Асоев ягон зарар надида буд, якбора ба сўи муаллим ҳамла намуда, ўро меафтонад. Вақте муаллим аз ҷой мехезад, хонанда бори дуюм муаллимро мезанад.
Баъди воқеаи мазкур падару модари хонанда ба мактаб даъват карда шуда, баёноти хонанда дар назди падару модараш гирифта мешавад. Падару модари хонанда ва муаллим аз якдигар узрхоҳӣ мекунанд.
Муноқишаи муаллим ва хонандаро хонандаи ҳамин синф Муҳаммад Ҳасанов пинҳонӣ наворбардорӣ мекунад. Ӯ баъди хатми муассиса бо аҳли оилааш ба Федератсияи Россия ба муҳоҷирати меҳнатӣ меравад ва ин наворро бо гузашти 6 моҳ аз Федератсияи Россия дар шабакаи Интернет пахш менамояд, ки он баҳси зиёдеро байни корбарони ин шабака ба миён меорад.
Дар натиҷа шуъбаи маорифи ноҳияи Фирдавсӣ мувофиқи моддаи 62 Кодекси меҳнати Ҷумҳурии Тоҷикистон ба муаллим, ки зимни вазифаи хизматӣ қонуншиканӣ намудааст, қоидаҳои муҳими омўзгориро риоя накарда, рафтори нодуруст намудааст, «сарзаниш» эълон менамояд.
Муаллим ҳоло аспирант буда, 6 сол собиқаи кории педагогӣ дорад.
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
