Сапардурдӣ Тойлиев, муовини Сарвазири Туркманистон: «Дар самти маориф метавон таҷрибаи Ҷумҳурии Тоҷикистонро мавриди омўзиш қарор дод»
ДУШАНБЕ, 03.11.2017 /АМИТ «Ховар»/. Дар доираи сафари расмии Президенти Туркманистон ба Ҷумҳурии Тоҷикистон 1 ноябри соли равон дар Вазорати маориф ва илми Ҷумҳурии Тоҷикистон вохӯрии Вазири маориф ва илм Нуриддин Саид бо муовини раиси Шўрои вазирони Туркманистон Сапардурдӣ Тойлиев доир гардид. Дар ин бора ба АМИТ «Ховар» аз Вазорати маориф ва илми Ҷумҳурии Тоҷикистон хабар доданд.
Зимни суҳбат муовини раиси Шўрои вазирони Туркманистон Сапардурдӣ Тойлиев иброз дошт, ки баъди имзои Созишнома миёни Ҳукумати Ҷумҳурии Тоҷикистон ва Ҳукумати Туркманистон дар бораи эътирофи мутақобилаи ҳуҷҷатҳои давлатӣ оид ба таҳсилот ҳамкорӣ дар соҳаи маориф боз ҳам вусъат ёфта, таҳсили донишҷўёни Туркманистон дар муассисаҳои таҳсилоти олии касбии Ҷумҳурии Тоҷикистон зиёдтар хоҳад гашт.
Вазири маориф ва илми Тоҷикистон Нуриддин Саид пешниҳод намуд, ки минбаъд дар баробари донишҷўён табодули проффесорону устодон низ миёни Ҷумҳурии Тоҷикистон ва Туркманистон ба роҳ монда шавад.
Дар вохўрӣ мубодилаи афкор доир ба низоми маорифи ҳарду кишвар сурат гирифт. Баъд аз муаррифии низоми маориф ва илми Ҷумҳурии Тоҷикистон муовини раиси Шўрои вазирони Туркманистон Сапардурдӣ Тойлиев иброз дошт, ки дар самтҳои мухталиф метавон таҷрибаи Ҷумҳурии Тоҷикистонро мавриди омўзиш қарор дод.
«Мо ният дорем, ки дар солҳои баъдӣ як маркази қабули хонандагон ба муассисаҳои олиро дар Туркманистон таъсис диҳем. Аз ин рў, моро зарур аст таҷрибаи Ҷумҳурии Тоҷикистонро дар самти таъсиси Маркази миллии тестӣ ва фаъолияти он барои қабули хонандагону донишҷўён ба муассисаҳои таҳсилоти миёна ва олии касбӣ мавриди омўзиш қарор диҳем»,-зикр кард Сапардурдӣ Тойлиев
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
