Дар Лахш барои зарардидагони офати табиӣ 6 адад хонаҳои нави истиқоматӣ ба истифода дода шуданд
ЛАХШ, 02.12.2017 /АМИТ «Ховар»/. Дар деҳаи навбунёди Шилбилии ҷамоати деҳоти Сурхоби ноҳияи Лахш барои зарардидагони офати табиӣ 6 адад хонаҳои нави истиқоматӣ ба истифода дода шуданд. Дар ин бора раиси ҷамоати деҳоти Сурхоби ноҳияи Лахш Аъзам Ғафуров ба хабарнигори АМИТ „Ховар“ иттилоъ дод.
Моҳи майи соли равон аз сабаби номусоидии обу ҳаво ва бошиддат боридани борон дар деҳаи Шилбилии ҷамоати деҳоти Сурхоби ноҳияи Лахш сел фаромада буд. Аз таъсири офати табиии баамаломада 6 оила пурра хонаҳояшонро аз даст дода, хонаҳои баъзе оилаҳои дигар қисман зарар диданд. Бартарафсозии зарари ҳодисаи мазкур аз рўзҳои аввал зери таваҷҷуҳи бевоситаи Президенти Ҷумҳурии Тоҷикистон муҳтарам Эмомалӣ Раҳмон қарор гирифта, ба зарардидагон масолеҳи сохтмонӣ ва хўрокию либосворӣ дастрас карда шуданд.
Дар ин давра дар деҳаи навбунёди Шилбилӣ ба 22 нафар зарардидагони офати табиӣ замини наздиҳавлигӣ ҷудо намуданд. Аз ҷониби роҳбарияти ноҳия ва сокинону соҳибкорон сохтмони хонаҳо бо сифати баланд ба анҷом расиданд.
Имрӯзҳо зарардидагони ин офати табиӣ дар маҳаллаи навбунёди мавзеи Дашти Шилбилӣ дар хонаҳои нави истиқоматӣ ба зиндагӣ оғоз намудаанд.
Ҳамчунин барои аҳолии ин деҳа бо маблағгузории созмонҳои хориҷӣ аз масофаи 4750 метр хатти оби нӯшокӣ кашиданд, ки мушкилоти асосии сокинони маҳаллаи навбунёд бартараф гардид.
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
Раиси Маҷлиси намояндагон бо ҳайати комиссияи экспертии Агентии мустақили аккредитатсия ва рейтинг вохӯрӣ намуд
«ШОҲНОМА»-ТУҲФАИ БЕНАЗИРИ ПЕШВОИ МИЛЛАТ. Ба сокинони шаҳри Гулистон ин асари безавол тақдим мегардад
