Иштироки ҳайати Ҷумҳурии Тоҷикистон дар конфронси 7-уми вазирони корҳои хориҷии «Қалби Осиё — Раванди Истанбул»
ДУШАНБЕ, 04.12.2017 /АМИТ «Ховар»/. 1 декабри соли 2017 дар шаҳри Боку конфронси 7-уми вазирони корҳои хориҷии «Қалби Осиё — Раванди Истанбул» зери унвони «Амният ва алоқаҳои иқтисодӣ барои тақвияти минтақаи Қалби Осиё» доир гардид, ки дар он кишварҳо ва созмонҳои иштирокчии «Қалби Осиё — Раванди Истанбул» ширкат варзиданд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар кори конфронс ҳайати Ҷумҳурии Тоҷикистон таҳти роҳбарии муовини аввали Вазири корҳои хориҷии Ҷумҳурии Тоҷикистон Низомиддин Зоҳидӣ иштирок намуданд.
Конфронс бо суханронии ифтитоҳии Президенти Ҷумҳурии Озарбойҷон Илҳом Алиев ва Президенти Афғонистон Ашраф Ғанӣ баргузор гардид. Дар кори конфронс ҳайати Ҷумҳурии Тоҷикистон таҳти роҳбарии муовини аввали Вазири корҳои хориҷии Ҷумҳурии Тоҷикистон Низомиддин Зоҳидӣ иштирок намуданд.
Дар Конфронс иштирокдорон ба татбиқи лоиҳаи CASA-1000, ки дар рушди устувори иҷтимоию иқтисодии кишварҳои Осиёи Марказӣ ва Ҷанубӣ нақши муассир дорад, баҳои баланд доданд. Ҳамчунин таъкид гардид, ки лоиҳаи CASA-1000 на танҳо ба рушди иҷтимоиву иқтисодӣ мусоидат мекунад, балки кишварҳои минтақаро бо василаи пуриқтидори энергетикӣ пайваст карда, ҳамкориро дар дигар соҳаҳои ҳаётан муҳими кишварҳои минтақаи Осиёи Марказӣ ва Ҷанубӣ густариш хоҳад дод.
Дар конфронс муовини аввали Вазири корҳои хориҷии Ҷумҳурии Тоҷикистон Низомиддин Зоҳидӣ сухан гуфта, мавқеи усулии Ҷумҳурии Тоҷикистонро ҷиҳати зарурати таъмини сулҳу субот дар кишвари ҳамсоя иброз намуд. Дар ин росто, талошҳои Тоҷикистон ҷиҳати ҷалби Афғонистон ба ҳамгироии минтақавӣ, ки аз тариқи татбиқи лоиҳаҳои нақлиётӣ ва коммуникатсионӣ роҳандозӣ шудаанд ва шароити заруриро барои ҳалли мушкилоти иҷтимоиву иқтисодии Афғонистон ва дар маҷмӯъ минтақа фароҳам меоваранд, таъкид гардид.
Дар конфронс пешниҳодоти Ҳукумати Ҷумҳурии Тоҷикистон ҷиҳати баргузории Конфронси 9-уми вазирони Қалби Осиё — Раванди Истанбул дар соли 2019 дар шаҳри Душанбе иброз гардид. Ин иқдом аз ҷониби иштирокчиёни конфронс ба як овоз қабул гардид. Дар хотимаи Конфронс Эъломияи Боку қабул гардид.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
