«МУФАТТИШ МЕОЯД!». Одамон ба поквиҷдонию меҳнати ҳалол даъват карда мешаванд
ДУШАНБЕ, 14.12.2017. /АМИТ «Ховар»/. «Иҷозат диҳед ман ба шумо як хабари нохуш расонам: ба наздамон муфаттиш меояд!». Бо чунин суханони сардори идораи полис Амос Фёдорович Ляпкин-Тряпкин оғоз мешавад фоҷиаи драмнависи машҳури рус Николай Василйевич Гогол «Муфаттиш». Аз рӯи ин асар ҳунармандони Театри вилоятии мусиқӣ -мазҳакавии ба номи Ато Муҳаммадҷонови шаҳри Қӯрғонтеппа спектакли навро рўи саҳна оварданд.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, спектакли «Муфаттиш» аз аъмоли шахсоне, ки манфиатҳои давлатро як сӯ гузошта, ба фоидаи кисаи худ кор мекунанд, ба ришвагириву қаллобӣ ва мардумфиребӣ даст мезананд, нақл мекунад.
«Муфаттиш»-ро коргардон Нигина Раҷабова ҳамроҳи хормейстер Нилуфар Абдуллоева, оҳангсоз Шералӣ Қосимов, хореографҳо Шариф Азизов, Ойимгул Давлатова, консертмейстер Парвина Аҳророва ва рассом-таҳиягар Алимурод Сайдалиев ба саҳна гузоштааст.
Дар спектакл нақшҳои асосиро Ҳунарпешаи халқии Тоҷикистон Аловуддин Абдуллоев, Ҳунарпешаи халқии Тоҷикистон Меҳринисо Ҳоҷибоева, Ҳунарпешаи шоистаи Тоҷикистон Муҳаммад Шомиддинов ва дигар ҳунармандони варзидаю собиқадор ва ҷавонони соҳибистеъдод иҷро кардаанд.
«Муфаттиш» сеюмин спектакли Нигина Раҷабова мебошад, ки дар саҳнаи Театри вилоятии мусиқӣ-мазҳакавии ба номи Ато Муҳаммадҷонови шаҳри Қӯрғонтеппа ба намоиш гузошта мешавад.
«Ин спектакл мавзӯи дархӯри рӯз буда, одамонро ба поквиҷдонию меҳнати ҳалол даъват мекунад. Хушбахт аз он ҳастам, ки имрӯз ҳама ҳунармандони соҳибмартабаи соҳа дар ин театр ба кор фаро гирифта шудаанд. Ин пеш аз ҳама, аз маҳорати кордонии директори театр Аловуддин Абдуллоев дарак медиҳад»,-изҳор дошт Нигина Раҷабова.
Дар назар аст, ки спектакли «Муфаттиш» дар ҳамаи шаҳру навоҳии вилояти Хатлон намоиш дода шавад.
Хотиррасон менамоем, ки ба тамошобинони тоҷик «Муфаттиш»-и Н. Гогол ҳанӯз аз охири солҳои 70-уми асри гузашта маълум аст: онро Ҳунарпешаи халқии Тоҷикистон, барандаи Ҷоизаи давлатии ба номи Абқабдулло Рӯдакӣ коргардони маъруф Хушназар Майбалиев рӯи саҳнаи Театри давлатии академии драмавии ба номи Абулқосим Лоҳутӣ оварда буд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
