Отряди сарҳадии «Ҳамадонӣ»: интиқоли ғайриқонунии 38 кг маводи нашъадор дар сарҳади давлатӣ пешгирӣ гардид
ДУШАНБЕ, 19.12.2017 /АМИТ «Ховар»/. Дар асоси маълумоти фаврӣ хизматчиёни ҳарбии Отряди сарҳадии «Ҳамадонӣ» дар якҷоягӣ бо кормандони Кумитаи давлатии амнияти миллии Ҷумҳурии Тоҷикистон 15 декабри соли равон, соати 22:50, дар минтақаи дидбонгоҳи сарҳадии «Панҷоб» амалиёти муштарак гузаронида, интиқоли ғайриқонунии маводи нашъадорро аз Ҷумҳурии Исломии Афғонистон ба Ҷумҳурии Тоҷикистон пешгирӣ намуданд.
Тавре аз маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ба АМИТ «Ховар» хабар доданд, қочоқбарони номаълуми афғон, иборат аз 7-8 нафар бо хизматчиёни ҳарбӣ рӯ ба рӯ шуданд, ки дар натиҷа байни онҳо задухӯрди шадиди мусаллаҳона ба амал омад. Дар натиҷа қочоқбарон ба муқовимати хизматчиёни ҳарбӣ тоб оварда натавониста, аз торикии шаб истифода бурда, ба самти Ҷумҳурии Исломии Афғонистон фирор карданд.
Ба иттилои манбаъ, ҳангоми азназаргузаронии ҷойи ҳодиса зиёда аз 17 кг маводи сахттаъсири героин, 11 кг маводи мухаддири навъи ҳашиш ва 10 кг афюн дарёфт ва мусодира карда шуд.
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Таҳти ин унвон фестивали байналмилалӣ доир мегардад
«МегаФон Life»: замимае, ки ба он эътимод доранд
Имрӯз дар Тоҷикистон ҳаво то 18 дараҷа гарм мешавад
Имрӯз дар Тоҷикистон ҳавои тағйирёбанда мешавад
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
