«Помирэнерҷӣ» барои соҳибкорони ҷавон давраи якҳафтаинаи омӯзишӣ роҳандозӣ кард: ҳадаф-рушди соҳибкории хурду миёна дар Бадахшон
ХОРУҒ, 21.12.2017 /АМИТ «Ховар»/. Соҳибкорони ҷавон аз шаҳру ноҳияҳои Вилояти Мухтори Кӯҳистони Бадахшон бо кумаки молии ширкати «Помирэнерҷӣ» давоми як ҳафта дар давраи омӯзишӣ бо тарзи таҳияи лоиҳаи бизнес-нақша, харҷу дахли буҷа, роҳҳои ҳамкорӣ бо шарикон, қоидаҳои андозбандӣ ва амсоли инҳо шинос шуданд. Директори генералии ширкати «Помирэнерҷӣ» гуфт, ки ҳадафи давраи омӯзишӣ- ҷалби ҳарчӣ бештари ҷавонон ба соҳибкории хурду миёна аст. Ин қадами аввал ба самти соҳибкории истеҳсолӣ аст, ки ҳукумати ҷумҳурӣ ба он аҳамияти калон зоҳир намуда, ба соҳибкороне, ки ба бунёди корхонаву коргоҳҳои тавлидотӣ машғул мешаванд, имтиёзҳои қобили мулоҳиза муқаррар намудааст. Дар рушди соҳибкорӣ бахши хусусӣ низ саҳми муассир гузошта метавонад. Инро Асосгузори сулҳу ваҳдати миллӣ, Пешвои миллат, Президенти кишвар Эмомалӣ Раҳмон дар мулоқоти худ бо соҳибкорон таъкид карда, изҳор доштанд, ки «Ҳукумати Тоҷикистон минбаъд низ доир ба таҳким бахшидани шарикии давлат ва бахши хусусӣ, тавсеаи моликияти хусусӣ, дастгирии ҳамаҷонибаи соҳибкорон ва баланд бардоштани мавқеи соҳибкорӣ ҳамаи тадбирҳои заруриро амалӣ мегардонад».
Соҳибкорони ҷавон пас аз давраи омӯзишӣ бо мақсади шиносоӣ бо ҷараёни кор дар корхонаву коргоҳҳои истеҳсолӣ ба вилояти Суғд сафар карданд. Баъди бозгашт лоиҳаҳои пешниҳоднамудаи онҳо аз сӯи коршиносони масоили иқтисодӣ ва соҳибкорони муваффақ таҳлилу баррасӣ шуданд. Аз шаш лоиҳа, ки ба истеҳсоли маҳсулоти кишоварзӣ, сохтмонӣ, маводи сӯхт, бунёди ҳаммом, шустушӯи либосу палос ихтисос ёфта буданд, се лоиҳа интихоб гардид. Барои дар амал татбиқ намудани ин лоиҳаҳо ширкати «Помирэнерҷӣ» наздики 70 ҳазор сомонӣ ҷудо кард. Масъулини ин ширкат иброз доштанд, ки баъд аз ин ҳамасола чунин давраҳои омӯзиширо барои соҳибкорони ҷавон роҳандозӣ карда, мекӯшанд лоиҳаҳои ҳаҷман бузургтарро сармоягузорӣ намоянд.
Раиси Ассотсиатсияи соҳибкорони вилоят Боимамад Алибахшов ин иқдоми ширкати «Помирэнерҷӣ»-ро шоистаи ибрат номида, аз дигар корхонаву муассисаҳои хусусӣ, ки сармояи кофӣ доранд, даъват намуд, ки соҳибкорони ҷавонро дастгирӣ намоянд.
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
