ТАҚВИМИ АМИТ «ХОВАР»: Имрӯз 29 декабр, ҷумъа, 363-юмин рӯзи соли 2017 аст. То соли нав 2 рӯзи дигар боқӣ мондааст
Тақвими моро дар ин гӯша
шореҳ Шукӯҳи ДАЛЕР варақ мезанад:
29 декабри соли 2011 Президенти Ҷумҳурии Тоҷикистон муҳтарам Эмомалӣ Раҳмон ба Литсей-интернати махсуси касбии маъюбон» — и Вазорати меҳнат ва ҳифзи иҷтимоии аҳолӣ ташриф оварда, бо шароити намунавии он, ки зимни тармиму навсозии асосӣ муҳайё гаштааст, аз наздик шинос шуда, бо тарбиятгирандагони он суҳбатҳои ҷолиб анҷом доданд.
***
5 сол пеш, 29 декабри соли 2012 Президенти Ҷумҳурии Тоҷикистон Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ»-ро ба имзо расониданд.
***
Дар ин рӯзи соли 2014 дар маҷлиси навбатии Ҳукумати Ҷумҳурии Тоҷикистон «Стратегия оид ба ғизо ва фаъолияти ҷисмонӣ дар Ҷумҳурии Тоҷикистон барои солҳои 2015-2024» тасдиқ карда шуд.
29 ДЕКАБР ТАҶЛИЛ КАРДА МЕШАВАД:
Дар Муғулистон – Рӯзи истиқлолият.
***
Дар Ирландия – Рӯзи Конститутсия.
РӮЙДОДҲО:
29 декабри соли 2014 Сарвари давлат муҳтарам Эмомалӣ Раҳмон ба Маҷмааи таълимию таҷрибавии кори иҷтимоӣ ва инноватсияҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ки дар деҳаи Чорбоғи ноҳияи Варзоб қарор дорад, ташриф оварда, бинои нави иловагии онро ифтитоҳ намуда, ба бошандагони он, ки асосан кӯдакону наврасони маъюбанд, туҳфаҳои солинавӣ тақдим карданд.
***
29 декабри соли 2009 дар шаҳри Турсунзода маросими ботантанаи супоридани медалҳои ҷашнии «20 солагии баровардани низомиёни Иттиҳоди Шӯравӣ аз Афғонистон» баргузор гардид, ки дар он 30 нафар иштирокчиёни муҳорибаҳои Афғонистон – аъзои Иттифоқи собиқадорон ва интернатсионалистони Тоҷикистон иштирок намуданд.
***
47 сол мукаддам, 29 декабри соли 1970 барои назорати шароити меҳнат дар ИМА идораи ҳифзи меҳнат ташкил карда шуд.
***
29 декабри соли 1991 дар Ӯзбекистон барои ба даст овардани истиқлолият раъйпурсӣ гузаронида шуд. Инчунин дар ин рӯз интихоботи умумихалқии Президенти Ҷумҳурии Ӯзбекистон баргузор гардид.
***
Дар ин рӯзи соли 1991 99% аҳолии Озарбойҷон дар раъйпурсӣ барои истиқлолият овоз доданд.
***
29 декабри соли 1993 Конвенсияи гуногунии биологӣ ба ҳукми амал даромад.
ИНЧУНИН ДАР ИН РӮЗ …
Соли 1982 дар Ямайка аввалин маротиба маркаи почтавӣ ба истифода дода шуд.
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
Дар деҳаи Фатмеви ноҳияи Айнӣ муассисаи таълимӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
«Истиқлоли Тоҷикистон ва эҳёи пайвандҳои таърихию фарҳангии мардумони ориёитабор». Дар ин мавзуъ ҳамоиши илмӣ баргузор мешавад
35-СОЛАГИИ ИСТИҚЛОЛИ ДАВЛАТӢ. Бо иштироки кормандони вазорату идораҳо дар Душанбе ҳашари ободонӣ ва тозакорӣ баргузор шуд
Судяҳои Тоҷикистон дар Остона дар конфронси байналмилалӣ иштирок намуданд
ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
Имкониятҳои сайёҳии Тоҷикистон дар 14-умин Намоишгоҳи байналмилалии сайёҳии Макао муаррифӣ мегарданд
Нақшаи даъвати баҳории шаҳрвандони Тоҷикистон ба сафи Қувваҳои Мусаллаҳ беш аз 80 фоиз иҷро гардид
Ҳайати Тоҷикистон дар ҷаласаи Гурӯҳи кории минтақавӣ оид ба моликияти зеҳнӣ иштирок намуд
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Дар Хуҷанд сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Ҷумҳурии Тоҷикистон – 2026 баргузор гардид
