Дар Бонки миллӣ ҳамкории дуҷонибаи судманд дар самти рушди иқтисод ва низоми бонкӣ баррасӣ гардид
ДУШАНБЕ, 30.01.2018 /АМИТ «Ховар»/. Дирӯз мулоқоти раиси Бонки миллии Тоҷикистон Ҷамшед Нурмаҳмадзода бо ҳайати намояндагии Бонки рушди АвруОсиё (БРАО) таҳти роҳбарии раиси Раёсати бонки мазкур Андрей Белянинов баргузор гардид.
Тавре аз Бонки миллӣ ба мухбири АМИТ «Ховар» хабар доданд, зимни мулоқот ҷонибҳо масъалаҳои ҷоннок намудани ҳамкории дуҷонибаи судманд дар самти рушди иқтисод ва низоми бонкиро мавриди баррасӣ қарор доданд.
Раиси Бонки миллии Тоҷикистон Ҷамшед Нурмаҳмадзода Андрей Беляниновро барои ба вазифаи Раиси Раёсати Бонки рушди АвруОсиё таъйин шуданаш табрик гуфта, барои рушд додани муносибатҳои дуҷониба дар сатҳи нави ҳамкорӣ изҳори умед кард. Зимни мулоқот Ҷамшед Нурмаҳмадзода ҳайати Бонки рушди АвруОсиёро бо вазъи феълии низоми бонкии мамлакат шинос намуда, изҳор дошт, ки марҳилаи солимгардонии низоми бонкӣ барои Ҷумҳурии Тоҷикистон оғоз ёфт.
Раиси Раёсати Бонки рушди АвруОсиё Андрей Белянинов таваҷҷуҳи асосиро барои мусоидат намудан дар самти қарздиҳӣ ба бахши хусусӣ, имкониятҳои кушодани суратҳисобҳои Бонки рушди АвруОсиё дар Бонки миллии Тоҷикистон, гузаронидани амалиёти СВОП ва дигар масъалаҳои низоми бонкӣ ҷалб намуд.
Риси Бонки миллии Тоҷикистон Ҷамшед Нурмаҳмадзода зикр намуд, ки таклифу пешниҳодҳо оид ба масъалаҳои зикршуда пурра омӯхта шуда, вобаста ба имкониятҳои мавҷуда дар самти ба сатҳи нав гузаронидани ҳамкорӣ ва дастгирии низоми бонкии мамлакат мавриди пешниҳод қарор дода мешаванд.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
