Дар ҷаласаи Шӯро оид ба шарикии давлат ва бахши хусусӣ лоиҳаи низоми пардохти электронии роҳкиро баррасӣ гардид

Февраль 12, 2018 16:25

        ДУШАНБЕ, 12.02.2018 /АМИТ «Ховар»/. Дар Душанбе таҳти раёсати муовини аввали  Сарвазири Ҷумҳурии Тоҷикистон  – Раиси Шӯро оид ба шарикии давлат ва бахши хусусӣ Давлаталӣ Саид ҷаласаи нуҳуми Шӯро оид ба шарики давлат ва бахши хусусӣ баргузор гардид. Дар ин хусус ба АМИТ «Ховар» аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ доданд.

Ба иттилои манбаъ, дар ҷаласа роҳбарони вазорату идораҳои Ҷумҳурии Тоҷикистон, мудирони марказҳои татбиқи лоиҳаҳои  шарикии давлат ва бахши хусусӣ  иштирок доштанд.

Дар ҷаласа лоиҳаи «Низоми пардохти электронии роҳкиро ва назорати  он дар нақлиёти мусофирбари автомобилии истифодаи умуми шаҳри Душанбе» муҳокима гардид. Зикр шуд, ки бартариятҳои низоми нав баръало муайян буда, татбиқи саривақтии он имконият фароҳам меорад, ки ба аҳолии пойтахти мамлакат ва меҳмонони он дар нақлиёти мусофирбари автомобилии истифодаи умуми шаҳри Душанбе хизматрасонии муосир пешниҳод гардад.

Мавриди зикр аст, ки механизми шарикии давлат ва бахши хусусӣ яке аз роҳҳои муосири ҷалби сармоя ба ҳисоб рафта, давлат метавонад барои иҷрои уҳдадориҳои худ дар амалишавии лоиҳаҳои самти хизматрасонии иҷтимоӣ ва инфрасохтор тибқи Созишнома дар доираи талаботи Қонуни ҶумҳурииТоҷикистон «Дар бораи шарикии давлат ва бахшихусусӣ» шарикони хусусиро ҷалб намояд.

Айни замон ба воситаи ин механизм тибқи қарорҳои Шӯро се лоиҳа- яке лоиҳаи «Таҷдид ва идоранамоии кӯдакистони №133-и пойтахт дар самти хизматрасонии иҷтимоӣ, дигаре- лоиҳаи «Сохтмони хати интиқоли барқ ба Минтақаи озоди иқтисодии «Данғара»  дар самти энергетика ва инчунин лоиҳаи «Таъсиси Маркази мубориза бар зидди гепатитҳои вирусӣ» дар соҳаи тандурустӣ амалӣ шуда истодаанд.

 

Февраль 12, 2018 16:25

Хабарҳои дигари ин бахш

Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд