Дар Хоруғ бахшида ба Рӯзи Қувваҳои мусаллаҳи ҷумҳурӣ мусобиқаҳои варзишӣ оғоз гардиданд

Февраль 7, 2018 14:15

ХОРУҒ, 07.02.2018 /АМИТ «Ховар»/. Бахшида ба Рӯзи Қувваҳои мусаллаҳи Ҷумҳурии Тоҷикистон дар майдончаи варзишии қисми низомии 011-23, мутааллиқ ба Қӯшунҳои зудамали Вазорати мудофиаи Ҷумҳурии Тоҷикистон мусобиқа аз намудҳои волейбол, футбол, дастхобонӣ, вазнбардорӣ ва варзиши сабук шурӯъ шуд. Муовини комиссари ҳарбии вилоят Шоҳзода Шоҳқосим гуфт, ки ҳамасола мутобиқи нақша, аз аввали моҳи феврал дар ҳамаи қисмҳои низомӣ бахшида ба Рӯзи Қувваҳои мусаллаҳи ҷумҳурӣ мусобиқаҳои варзишӣ баргузор мегарданд. Ин мусобиқаи кушод аст ва дар он кормандони раёсатҳои вазорати корҳои дохилӣ, гумрук, Агентии назорати маводи нашъадори назди Президенти ҷумҳурӣ, Агентии назорати молиявӣ ва мубориза бо коррупсия ва Хадамоти оташнишонӣ ширкат мекунанд.

Мақсад аз баргузории мусобиқаҳо машқи бадан, баланд бардоштани малакаву маҳорати варзишӣ ва дӯстию ҳамкорӣ миёни кормандони сохторҳои низомию қудратӣ мебошад.

Соли гузашта дастаи шуъбаи  Хадамоти оташнишонии шаҳри Хоруғ дар сабқат хеле фаъолона ширкат намуда, дар аксари намудҳо пирӯз гардид.  Сардори шуъбаи мазкур Кишвар Аҳмадбеков изҳор дошт, ки  “барои ҳар як корманди Хадамоти оташнишонӣ тарбияи ҳаррӯзаи бадан хеле муҳим аст. Онҳо ба ҳар як ҳодисаи сӯхтор- хоҳ шаб бошад, хоҳ рӯз, бояд омода бошанд. Барои обу тоби бадан дар шуъбаи Хадамоти оташнишонӣ ҳамаи шароит муҳайёст. Як гурӯҳи дигар дар толорҳои варзишии шаҳр тамрин мекунанд. Аз ин рӯ дар бисёр мусобиқаҳои шаҳрию вилоятӣ кормандони мо ҷойҳои намоёнро ишғол мекунанд”.

Комиссари ҳарбии вилоят Шоҳзода Шоҳқосимов гуфт, ки ин сабқат дар рӯзҳои таҷлили ҷашни Артиши миллӣ ҷамъбаст ва ғолибон бо мукофоту туҳфаҳои хотиравӣ сарфароз мегарданд.

Февраль 7, 2018 14:15

Хабарҳои дигари ин бахш

Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд