Дар рӯзҳои таҷлили Наврӯз ба шаҳри Хуҷанд беш аз 70 ҳазор лолаҳои гуногунранг зеби тоза мебахшанд

Февраль 7, 2018 13:59

ХУҶАНД, 07.02.2018. /АМИТ «Ховар»/. Масъулини сохторҳои марбутаи  мақомоти иҷроияи ҳокимияти давлатии шаҳри Хуҷанд чанд рӯз боз дар кӯчаву хиёбонҳои маркази вилоят ба шинонидани беш аз 70 ҳазор тухми гули лола оғоз намудаанд.  Интизор меравад, ки тухмии лолаҳо пас аз шукуфтан дар рӯзҳои таҷлили Наврӯзи имсола ба ҳусн ва симо шаҳр таровату зебои тоза мебахшанд. Ҳамчунин дар доираи мавсими имсолаи ниҳолшинонӣ моҳи январи соли равон дар маркази шаҳр 150 бех дарахтони ороишию сояафкан, аз қабили ардач, санавбар ва ғайра шинонида шуданд.

Ба иттилои хабарнигори АМИТ «Ховар», ҳоло дар гармхонаи  Муассисаи кабудизоркунӣ ва гулпарварии КВДК «Сарраёсати ободонӣ, хоҷагию манзилӣ ва коммуналӣ»-и шаҳр қариб 200 ҳазор тухмии гулҳои ороишӣ шинонида шуда, ба шукуфтан сар кардаанд. Дар гармхонаи мазкур беш аз 10 номгӯй гулҳои ороишӣ, аз қабили петуния, катарантус, салвия, марҷонгул парвариш карда шуда, ин гулҳои мавсимӣ тибқи маълумоти мутахассисон, баъд аз  шинонидан вобаста ба ҳавои мусоид давоми ду моҳ бояд шукуфанд.

Тибқи иттилои манбаъ, имсол дар маркази вилоят марҳила ба марҳила шинонидани беш аз 1 миллион дона гулҳои ороишии мавсимӣ дар назар аст.

Февраль 7, 2018 13:59

Хабарҳои дигари ин бахш

Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд