Донишҷӯёни Донишкадаи давлатии забонҳо аз рӯи 5 ихтисос тибқи низоми фосилавӣ ба таҳсил фаро гирифта шудаанд
ДУШАНБЕ, 1.02.2018. /АМИТ «Ховар»/. Дар Донишкадаи давлатии забонҳои Тоҷикистон ба номи Сотим Улуғзода шуъбаи таҳсилоти фосилавӣ таъсис ёфта, донишҷӯён аз рӯи 5 ихтисос ба таҳсил фаро гирифта шудаанд. Дар ин бора ректори Донишкадаи давлатии забонҳои Тоҷикистон Маҳмадулло Раҷабзода имрӯз зимни нишасти матбуотии ин ниҳод хабар дод.
Мавсуф зикр намуд, ки дар ин раванди таҳсил усулҳои робитаи зич байни омӯзгор ва донишҷӯ амалӣ шуда, робита аз рӯи ангораи таҳсили рӯзона иҷро мегардад. Ҳангоми таҳсили фосилавӣ таълимгоҳҳо метавонанд аз шаклҳои гуногун, монанди барномаҳои компютерии махсус интихобшуда ва ба донишҷӯ мувофиқ, конфронс — робита, почтаи электронӣ, онлайн-мессенҷерҳо ва ғайраҳо истифода намоянд.
Маҳмадулло Раҷабзода ҳамчунин изҳор намуд, ки Донишкадаи давлатии забонҳои Тоҷикистон бо зиёда аз 40 муассисаи таҳсилоти олии касбии кишварҳои хориҷӣ ва соли 2017 бо 6 давлат созишномаи ҳамкорӣ ба имзо расонид.
«Ҷиҳати баланд бардоштани сатҳи донишу малакаҳои касбӣ 51 нафар донишҷӯёни Донишкада ба муассисаҳои таҳсилоти олии касбии кишварҳои хориҷӣ, аз ҷумла Ҷумҳурии мардумии Чин, Ҳиндустон, Қазоқистон, Қирғизистон ва Россия сафарбар гардидаанд»,-иброз дошт Маҳмадулло Раҷабзода.
Ректори Донишкада зикр кард, ки қабули шаҳрвандони хориҷӣ ба донишкада тибқи низомномаи Вазорати маориф ва илми Ҷумҳурии Тоҷикистон ба роҳ монда шуда, ҳоло зиёда аз сад нафар донишҷӯёни хориҷӣ дар Донишкада таҳсили илм доранд.
Дар шаҳри Хоруғ Лигаи волейболи вилоят байни мардон то охири сол баргузор мегардад
Имрӯз дар баъзе минтақаҳои Тоҷикистон ҳаво то 28 дараҷа гарм мешавад
Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
