Фаррух Ҳамрализода: «Дар Тоҷикистон ҷиҳати амалисозии 13 лоиҳаи сармоягузорӣ бо шарикони рушд 18 созишномаи нав ба имзо расид»

Февраль 13, 2018 16:00

ДУШАНБЕ, 13.02.2018 /АМИТ «Ховар»/. Дар Ҷумҳурии Тоҷикистон соли гузашта  ҷиҳати амалисозии 13 лоиҳаи сармоягузорӣ бо шарикони рушд 18 созишномаи нав ба маблағи умумии беш аз  608 миллион доллар ба имзо расонида шуд, ки ин назар ба соли 2016  362 миллион доллар зиёд мебошад.

Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода 13 феврал дар Душанбе дар ҷамъи хабарнигорон, ки аз фаъолитяти ин ниҳод дар соли 2017 натиҷагирӣ кард,  гуфт, ки аз маблағи умумии созишномаҳои баимзорасида наздик ба 475 миллион долларро маблағҳои қарзӣ ва қариб 134 миллион долларро воситаҳои грантӣ ташкил медиҳанд.

Таъкид шуд, ки дар доираи созишномаҳои нав барои дастгирии буҷети давлатӣ 50 миллион доллар, соҳаи энергетика беш аз 385 миллион доллар, нақлиёт 75 миллион доллар, ҳолатҳои фавқулода 50 миллион доллар, маориф  беш аз 36 миллион доллар ва хоҷагии манзилию коммуналӣ зиёда аз 11 миллион доллар кумаки берунӣ равона карда мешаванд.

Маҷмӯи лоиҳаҳои сармоягузории давлатии амалкунанда дар мамлакат то 1 январи соли 2018 аз 68 адад лоиҳа, аз ҷумла, 25 лоиҳаи грантӣ, 14 лоиҳаи қарзӣ ва 29 лоиҳа дар ҳаммаблағгузории қарзу грант иборат мебошад, ки маблағи умумии он 24,9 миллиард  сомониро ташкил медиҳад.

Зикр шуд, ки азхудкунии маблағҳо дар доираи лоиҳаҳои амалкунанда соли  гузашта дар маҷмӯъ 2,59 миллиард сомониро ташкил дод. Ҳамзамон дар ин давра дар ҷумҳурӣ беш аз 360 корхонаю ташкилот бо сармоягузориҳои хориҷӣ фаъолият намуданд.

Инчунин бо мақсади ҷалби сармоя ба иқтисодиёти ҷумҳурӣ ва муаррифии имкониятҳои сармоягузориву соҳибкории Тоҷикистон Форуми соҳибкорони Тоҷикистон бо соҳибкорони давлатҳои Қазоқистон, Ӯзбекистон, Туркманистон,  Амрико, Чехия, Туркия, Британияи Кабир, Австрия, Финляндия, Ҳиндустон, Арманистон, Амрико, Ӯзбекистон, Қатар, Чин, Амороти Муттаҳидаи Араб ва намоиши молҳои саноатии Ҷумҳурии Тоҷикистон дар Ӯзбекистон баргузор гардиданд.

Февраль 13, 2018 16:00

Хабарҳои дигари ин бахш

Дар Суғд беш аз 75 ҳазор нафар кӯдакону наврасон ба истироҳат фаро гирифта мешаванд
Дар истироҳатгоҳи «Ширкент» зиёда аз 1300 нафар кӯдакону наврасон истироҳат менамоянд
Қарзи давлатии ҷаҳонӣ ба 102 триллион доллар расид
Дар ноҳияи Рӯдакӣ 933 ҳолати қоидавайронкунии истифодаи неруи барқ ошкор карда шуд
Дар Маркази солимгардонии Суғд беш аз 200 нафар кӯдакону наврасон ба истироҳат ҷалб гардидаанд
Сокинони Анқараро даъват карданд, ки обро сарфакорона истифода намоянд
Мегафон Тоҷикистон: «Вақте роҳати хона бештар аст»
Имрӯз дар шаҳри Душанбе ҳаво то 37 дараҷа гарм мешавад
САЙРИ БАДАХШОН. Дар вилоят 647 адад ёдгориҳои таърихӣ, табиӣ ва монументалӣ ҷойгир мебошанд
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид