Масъалаи ҷавонон бахши меҳварии имрӯз ва ояндаи сиёсати давлатии мамлакат аст

Февраль 28, 2018 15:21

ДУШАНБЕ, 28.02.2018 /АМИТ «Ховар»/. «Масъалаҳои татбиқи сиёсати давлатии ҷавонон дар Ҷумҳурии Тоҷикистон»- таҳти чунин  унвон имрӯз дар Маркази тадқиқоти стратегии назди Президенти Ҷумҳурии Тоҷикистон конфронси илмию амалии ҷумҳуриявӣ баргузор шуд.

Мақсад аз баргузории конфронси мазкур- ин натиҷагирӣ аз Соли ҷавонон, баррасии масъалаҳои васеи вобаста ба ҷавонон ва дурнамои рушди сиёсати давлатии онҳо дар мамлакат мебошад.

Дар  конфронси «Масъалаҳои татбиқи сиёсати давлатии ҷавонон дар Ҷумҳурии Тоҷикистон» таваҷҷуҳ ба дастовардҳои муҳимтарини Соли ҷавонон, рушди касбии онҳо дар бахшҳои асосии ҳаёти ҷомеа, аз ҷумла, хизмати давлатӣ ва фаъолияти соҳибкорӣ, нақши ҷавонон дар ҳифзу арзиши анъанаҳои миллӣ равона карда шуд. Ҳамчунин зикр шуд, ки мавзӯи имрӯзае, ки ба ҷавонон бахшида мешавад, имкон фароҳам меорад, ки масъалаҳои  умдаи ҳаёти ҷавонон баррасӣ шуда, мақсад ва ҳадафҳои сиёсати давлатӣ дар самти ҷавонон аз дидгоҳи назариявию амалӣ боз ҳам равшан ва амиқ омӯхта  шаванд.

«Тавре  Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар Паёми имсолаи худ ба Маҷлиси Олӣ иброз доштанд, ғамхории Ҳукумат нисбат ба ҷавонон танҳо бо Соли ҷавонон маҳдуд намешавад. Баръакс, ҳалли масъалаҳои вобаста ба онҳо минбаъд низ самти муҳимтарини фаъолияти Ҳукумати ҷумҳурӣ хоҳад буд»,- гуфта шуд дар конфронс.

Баргузории ҳамоиши номбурда нишони ҷонибдорӣ аз ин тасмимҳои Пешвои миллат, инчунин ҳамчун бахши меҳварии имрӯз ва ояндаи сиёсати давлатӣ эътироф гардидани масъалаи ҷавонон дар Тоҷикистон мебошад.

Февраль 28, 2018 15:21

Хабарҳои дигари ин бахш

Барои масъулини башхи молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд
Имрӯз дар Тоҷикистон ҳаво то 32 дараҷа гарм мешавад
ТАҚВИМИ АМИТ «ХОВАР»: имрӯз 2 июн, душанбе, 153-юмин рӯзи соли 2025 аст
Ба муносибати Рӯзи умумиҷаҳонии ҳифзи муҳити зист дар Ҳисор аксияҳо гузаронида шуданд
Нақши Пешвои миллат дар ҳифзи сарчашмаҳои ҳаёт дар заминаи Истиқлол ва Ваҳдати миллӣ