Мирзоалӣ Комил раиси Федератсияи гӯштини Тоҷикистон интихоб шуд
ДУШАНБЕ, 27.02.2018 /АМИТ «Ховар»/. 22 феврали соли равон дар Кумитаи миллии олимпии Тоҷикистон ҷаласаи ғайринавбатии Шӯрои Федератсияи гӯштини Тоҷикистон (тарзи озод, юнонӣ-румӣ, гӯштини тоторӣ) баргузор ва Мирзоалӣ Комил раиси федератсия интихоб шуд. Дар ин бора аз Кумитаи миллии олимпии Тоҷикистон ба АМИТ «Ховар» хабар доданд.
Дар кори ҷаласа вакилон, ҳамчунин меҳмонон – Аҳтам Абдуллозода, муовини Президенти Кумитаи миллии олимпӣ ва Муҳаммадшо Абдуллозода, котиби генералии Кумитаи миллии олимпӣ иштирок намуданд.
Дар ҷаласа аризаи истеъфои раиси федератсия Музаффар Ҳукматуллоев баррасӣ шуд. Бо овоздиҳии вакилон сардори Корхонаи воҳиди давлатии «Роҳи оҳан» Мирзоалӣ Комил барои давраи то соли 2022 раиси Федератсияи гӯштини Тоҷикистон интихоб гардид.
Мавсуф барои боварӣ ба вакилони ҷаласа изҳори сипос карда, иброз дошт, ки дар ҳамкорӣ бо мутахассисони соҳа барои рушди ин намуди варзиш дар ҷумҳурӣ аз тамоми имкониятҳо истифода хоҳад кард.
Аҳтам Абдуллозода ба Мирзоалӣ Комил дар иҷрои ин вазифаи пурмасъулият муваффақият хоста, иброз дошт, ки Кумитаи миллии олимпӣ барои беҳбудии кор то ҳадди имкон ба федератсия кумак мерасонад.
Алоқаи боэътимод барои бонки рақамӣ
Имрӯз дар Тоҷикистон барф меборад
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
