Мулоқот бо соҳибкорони ватанӣ — рамзи дастгирии фаъолияти касбӣ
ДУШАНБЕ, 3.02.2018. /АМИТ «Ховар»/. Дирӯз 2 феврали соли ҷорӣ бо ташаббуси роҳбарияти Хадамоти гумруки назди Ҳукумати Ҷумҳурии Тоҷикистон вохӯрии масъулини мақомоти гумрук бо соҳибкорону тоҷирони ватанию хориҷӣ ва ассотсиатсияҳои миллии соҳибкории хурду миёна баргузор гардид.
Тавре аз Маркази матбуоти Хадамоти гумруки назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ҳадаф аз баргузории вохӯрии мазкур пеш аз ҳама ба роҳ мондани ҳамкории мутақобилаи мақомоти гумрук бо аҳли тиҷорат, ташкил намудани шароити мувофиқ барои фаъолияти соҳибкорӣ, бартараф намудани монеаҳо дар самти тиҷорати хориҷӣ, пешгирии воридоти ғайриқонунии молу воситаҳои нақлиёт ба ҳудуди гумрукии Ҷумҳурии Тоҷикистон ба ҳисоб меравад.
Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода изҳор дошт, ки бо дастгирии бевоситаи Президенти кишвар муҳтарам Эмомалӣ Раҳмон бо мақсади фароҳам овардани фазои боз ҳам мусоиди соҳибкориву сармоягузорӣ дар Тоҷикистон ва ҳалли мушкилоти онҳо лоиҳаи қонунҳо доир ба ворид намудани тағйиру иловаҳо ба кодексҳои андозу гумрук дар хусуси додани имтиёзҳои андозӣ ба субъектҳои соҳибкорӣ дар соҳаҳои истеҳсолӣ пешниҳод гардид.
Дар шаҳри Бишкек ҷаласаи якуми Комиссияи байниҳукуматии Тоҷикистону Қирғизистон баргузор гардид
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
