НАВРӮЗ-ҶУЗЪИ ТАМАДДУНИ БАШАРӢ. Панҷакенти бостонӣ мизбони тантанаҳои вилоятии ин иди байналмилалӣ мегардад
ДУШАНБЕ, 08.02.2018 /АМИТ «Ховар»/. Тантанаҳои вилоятии ҷашни байналмилалии Наврӯз дар шаҳри бостонии Панҷакент баргузор мегарданд.
Тавре аз мақомоти иҷроияи ҳокимияти давлатии вилояти Суғд ба АМИТ «Ховар» иттилоъ доданд, тибқи қарори раиси вилояти Суғд моҳи марти соли 2018 дар қаламрави вилоят ҷашни байналмилалии Наврӯз баргузор карда шуда, маросими ботантанаи таҷлили он дар шаҳри Панҷакент мегузарад.
Дар асоси қарори мазкур ҳайати кумитаи тадорукот ва нақшаи чорабиниҳои таҷлили Иди байналмилалии Наврӯз тасдиқ гардида, раисони шаҳру ноҳияҳо вазифадор карда шудаанд, ки ҷиҳати дар сатҳи баланди ташкилӣ ва пурмазмун таҷлил кардани ин иди байналмилалӣ тадбирҳои таъхирнопазир андешанд.
Имрӯз барои мо, тоҷикон ва кулли кишварҳои ҳавзаи тамаддуни Наврӯз таҷлили ин иди бостонӣ мояи ифтихор мебошад, зеро ин ҷашни куҳану зебои табиат аз тарафи Созмони Милали Муттаҳид ҳамчун ҷашни байналмилалӣ эътироф шудааст. Ин дастоварди арзишманд натиҷаи азму талоши муштарак ва пайгириҳои чандинсолаи Тоҷикистон ва чандин давлатҳои дӯсту бародар мебошад. Ин аст, ки ҳоло ҷуғрофияи таҷлили Наврӯз аз ғарби сарзамини Чин оғоз шуда, то Осиёи Марказӣ, нимқораи Ҳинд, Қафқозу Россия, Аврупои Шарқӣ, Туркия, кишварҳои Араб ва Африқои Шимолӣ доман густурда, иди мазкур ба ҷузъи тамаддуни башарӣ табдил ёфтааст.
Дар Донишгоҳи давлатии молия ва иқтисоди Тоҷикистон Фестивали «Сайри гули лола» доир карда шуд
Дар шаҳри Хоруғ Лигаи волейболи вилоят байни мардон то охири сол баргузор мегардад
Имрӯз дар баъзе минтақаҳои Тоҷикистон ҳаво то 28 дараҷа гарм мешавад
Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
