ҶОМИ ЧЕМПИОНАТИ ҶАҲОН ОИД БА ФУТБОЛ– БОРИ АВВАЛ ДАР ТОҶИКИСТОН!

Февраль 5, 2018 17:10

ДУШАНБЕ, 05.02.2018./АМИТ «Ховар»/. Дар Фурудгоҳи байналмилалии Душанбе маросими бошукӯҳи истиқболи Ҷоми ҷаҳонии футбол, ки онро футболбози маъруфи ҷаҳон, қаҳрамони ҷаҳон ва Аврупо, қаҳрамони дукаратаи Лигаи қаҳрамонҳои УЕФА, собиқ нимҳимоятгари машҳури мунтахаби Франсия Кристиан Карамбе ба Душанбе овард, доир гардид. Маҳз ӯ Ҷоми ҷаҳонии футбол-2018-ро ҳамроҳӣ мекунад. Ӯро Президенти Федератсияи футболи Тоҷикистон, Раиси шаҳри Душанбе Рустами Эмомалӣ пешвоз гирифта, тамоми мухлисони футборо бо ин рӯйдоди таърихӣ табрик намуд.

Ҷоми мазкурро инчунин намояндагони ФИФА ва «Coca Cola» ҳамроҳӣ намуданд. Сипас ин «меҳмон»-и ғайриоддӣ  ба «Кохи Борбад» интиқол дода шуд.

Бино ба иттилои хабарнигори АМИТ «Ховар» Аловиддин Бӯриев,  барои дидани ҷоизаи  асосии Чемпионатьи ҷаҳон оид ба футбол қариб 2 ҳазор мухлисони ин намуди варзиш дар назди «Кохи Борбад» ҷамъ омадаанд.

Ин лаҳзаҳо бо иштироки намояндагони Федератсияи байналмилалии ассотсиатсияҳои футбол, Федератсияи футболи Тоҷикистон ва ширкати «Coca Cola» барои хабарнигорон нишасти матбуотӣ ҷараён дорад.

Ҷоми  Чемпионати ҷаҳон  ба Тоҷикистон аз шаҳри Бишкеки Қирғизистон омад.

Фардо ин Ҷом ба шаҳри Тошканди Ҷумҳурии Ӯзбекистон бурда мешавад.

Бино ба иттилои намояндаи ширкати «Coca Cola» дар Тоҷикистон Аскар Маратов,  бо сабаби  зиёд будани хоҳишмандони иштирок дар чорабиниҳо ширкати «Coca Cola»  озмун доир кард. Барои гирифтани  чипта хоҳишмандонро лозим аст, ки  3  бутал «Coca Cola»-и якунимлитраро аз супермаркетҳои пойтахт -«Пайкар Плаза», «Пайкар», «Пойтахт», «Арзанда», «Рӯдакӣ Плаза», «Европа», «Сабад», «Шоҳона», «Ёвар» (Ҳаёти нав), «Ёвар» (диагностика), «Ёвар»-5 харидорӣ карда, бо пешниҳоди чек    аз касса чипта дастрас наоянд.

Февраль 5, 2018 17:10

Хабарҳои дигари ин бахш

ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд
Дар Маҷмааи лижаронии «Сафеддара» «Эко-пойга барои пиряхҳо» баргузор шуд
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
ФУТБОЛ. Дастаи наврасони то 16-солаи Тоҷикистон ғолиби Чемпионати CAFA-2025 гардид
Маҳмуд Амонзода Президенти Кумитаи паролимпии Тоҷикистон интихоб гардид
Дар Нуробод бахшида ба Рӯзи ҷаҳонии футбол фестивали футбол баргузор гардид