«ТУ БЕҲТАРИН!». Ашки шодии Меҳрона Ғайбуллоева пас аз ғолибият дар Озмуни байналмилалии вокалӣ дар Москва

Февраль 26, 2018 12:03

ДУШАНБЕ, 26.02.2018. /АМИТ «Ховар»/. Меҳрона Ғайбуллоева, донишҷўи курси 1-уми шуъбаи сурудхонии академии Муассисаи давлатии «Коллеҷи санъати шаҳри Душанбе» ба номи Аҳмад Бобоқулов дар Озмуни байналмилалии телевизионии вокалии «Ту беҳтарин!»-и ширкати телевизионии НТВ-и  Федератсияи Россия ширкат варзида, ба даври дуюм роҳ ёфт.

Тавре муовини директор оид ба таълими Коллеҷи санъати шаҳри Душанбе Баҳром Назаров зимни суҳбат бо хабарнигори АМИТ «Ховар» иттилоъ дод, Меҳрона Ғайбуллоева  бо садои дилнишин ва лаҳни гуворои худ аҳли толорро мафтун намуда, баҳои баланди доваронро ба даст овард.

«Боиси ифтихор аст, ки баромади Меҳрона Ғайбуллоеваро тариқи ширкати телевизионии НТВ-и шаҳри Москваи Федератсияи Россия дар тамоми дунё тамошо намуда, аз ҳунари воло ва санъати баланди ин духтари тоҷик бохабар гардиданд. Меҳрона аз кафкӯбии аҳли толор ва доварон ашки шодӣ мерехт, ки ман инро аз тариқи телевизион тамошо карда, ифтихор намудам»,- зикр кард Баҳром Назаров.

Тавре қаблан иттилоъ дода будем, озмуни «Ту беҳтарин!» ба кӯдакони боистеъдоде, ки ятиманд, имкон медиҳад қувваю истеъдоди худро санҷида, дар саҳнаҳои бузург сурудхонӣ намоянд.

Ба иттилои Баҳром Назаров, «Озмуни «Ту беҳтарин!» ҳар сол аввалҳои моҳи декабр дар Сафорати Россия дар Тоҷикистон баргузор карда мешавад. Меҳрона Ғайбуллоева тӯли се сол дар ин озмун иштирок намуда, қувваю истеъдоди худро санҷид. Ин сол ӯ ба ин озмун роҳ ёфт.

Бояд зикр кард, ки Меҳрона аз хурдӣ аз падару модар ятим монда, хатмкардаи  Мактаб– интернати №1–и шаҳри Душанбе мебошад.

«Ба озмуни «Ту беҳтарин!» ҳамасола беҳтаринҳо роҳ меёбанд. Меҳрона низ яке аз онҳост, ки баҳои баланди ҳайати ҳакамонро сазовор гардид.

Айни ҳол Меҳрона дар шаҳри Москва қарор дорад ва барои иштирок дар даври минбаъдаи озмун, ки моҳи март баргузор мегардад, тамрин мекунад. Умед мебандем, ки ӯ дар ин давр низ ғолиб баромада, санъати тоҷикро дар арсаи ҷаҳонӣ муаррифӣ менамояд»,-иброз дошт Баҳром Назаров.

Бояд гуфт, ки дар озмуни мазкур 82 навраси 8-18 сола аз Россия, Озарбойҷон, Арманистон, Беларус, Тоҷикистон, Молдова, Латвия, Эстония, Қазоқистон, Осетияи Ҷанубӣ, Германия ва Сурия иштирок намуданд.

Февраль 26, 2018 12:03

Хабарҳои дигари ин бахш

Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид