Ҳайати Тоҷикистон дар ҷаласаи 8-уми вазирони туризми кишварҳои аъзои барномаи «Шоҳроҳи Абрешим» дар Берлин ширкат намуд
ДУШАНБЕ, 09.03.2018./АМИТ «Ховар»/. 7 марти соли равон дар ҳошияи баргузории Намоишгоҳи ҷаҳонии туристии Берлин-2018 ҷаласаи 8-уми вазирони туризми кишварҳои аъзои барномаи «Шоҳроҳи Абрешим»-и Созмони ҷаҳонии туристӣ баргузор гардид. Дар кори он муовини аввали Раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода ва Сафири фавқулодда ва мухтори Ҷумҳурии Тоҷикистон дар Ҷумҳурии Федеративии Германия Маликшо Неъматов иштирок намуданд. Дар ин бора ба АМИТ «Ховар» аз Сафорати ҶТ дар ҶФГ хабар доданд.
Ҷаласаро котиби навинтихоби Созмони ҷаҳонии туристӣ Зураб Пололикашвили кушода, оид ба аҳамияти рушди туризм дар ҷаҳони муосир, билхоса дар самти ташкили ҷойҳои нави корӣ ва баланд бурдани сатҳи зиндагии миллионҳо одамон сухан гуфт ва нақши бренди «Шоҳроҳи бузурги Абрешим»-ро барои кишварҳои аъзои барнома хеле муфид арзёбӣ намуд.
Сипас дар доираи ҷаласа табодули афкор ҷиҳати рушди туризм дар байни кишварҳои аъзои барномаи «Шоҳроҳи Абрешим» сурат гирифт. Ҳайати Тоҷикистон ба иштирокчиён оид ба рушди сайёҳӣ дар Ҷумҳурии Тоҷикистон ва тадбирҳои андешидаи давлату ҳукумати мамлакат ва алалхусус таваҷҷуҳи хоссаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин соҳа маълумот пешниҳод намуданд. Аз ҷумла зикр гардид, соли 2018 дар Ҷумҳурии Тоҷикистон Соли рушди сайёҳӣ ва ҳунарҳои мардумӣ эълон гардидааст, ки ин метавонад ба рушди соҳаи сайёҳӣ дар кишвар такони нав бахшад.
Дар Брюссел дастовардҳои Тоҷикистон дар самти ҳуқуқи инсон муаррифӣ шуданд
Дар Душанбе маросими ҷоизасупорӣ ба аъзои беҳтарини Лигаи ҷавонони Тоҷикистон оид ба футбол доир гардид
Ҳунармандони Беларус ба сокинони шаҳри Ҳисор барномаи фарҳангӣ пешниҳод намуданд
Дар Донишгоҳи давлатии молия ва иқтисоди Тоҷикистон масоили мубориза бо экстремизм ва терроризм баррасӣ шуд
Барои хизматчиёни давлатӣ машғулияти такмили ихтисос гузаронида шуд
Имрӯз дар шаҳри Душанбе ҳаво то 20 дараҷа гарм мешавад
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
