БАДАХШОН: роҳсозон ба васеъ ва мумфаршкунии роҳи марказии ноҳияи Ванҷ шурӯъ карданд
ХОРУҒ, 28.03.2018 /АМИТ «Ховар»/. Роҳсозони Муассисаи давлатии Хоҷагии манзилию коммуналии ноҳияи Ванҷ ба васеъ ва ҳамворкунии роҳи марказии ноҳия шурӯъ карданд. Ба гуфтаи муовини аввали раиси ноҳия Одинашо Мардов, «ин роҳ аввали солҳои шастуми асри гузашта сохта шудааст ва ба талаботи имрӯза комилан ҷавобгӯ нест. Зеро баъзе аз қитъаҳои роҳ ҳамагӣ 6-7 метр паҳноӣ дорад ва илова бар ин аз ду тарафи роҳ ҷӯйбор ва роҳи пиёдагард мавҷуд нестанд. Бинобар ин мутобиқи нақшаи генералии Ҳукумати ҷумҳурӣ роҳи марказӣ комилан аз нав сохта мешавад. Барои анҷом додани корҳои сохтмонӣ аз буҷаи мақомоти иҷроияи маҳаллии ҳокимияти давлатии ноҳия 8 миллион сомонӣ ҷудо гардид. Дар ихтиёри роҳсозон 8 техникаву механизмҳои пуриқтидор гузошта шудаанд ва онҳо мутобиқи нақша ҳамвор ва мумфаршкунии севу ним километр роҳро то даҳаи дуюми моҳи апрел ба анҷом мерасонанд».
Муовини аввали раиси ноҳия гуфт, ки «ба сифати корҳои сохтмонӣ аҳамияти ҷиддӣ дода мешавад. Зеро аз ин роҳ мошинҳое низ убур мекунанд, ки иқтидори вазнбардориашон аз 60 тонна боло аст ва дар сурати риоя накардани меъёрҳои роҳсозӣ ин роҳ дар фурсати кӯтоҳ хароб гардида метавонад».
Ҳамзамон дар канори роҳи марказӣ сохтмони чанд бинои хуштарҳу замонавӣ идома дорад. Соли равон биноҳои мақомоти иҷроияи маҳаллии ҳокимияти давлатии ноҳия, муассисаи таҳсилоти миёнаи умумии рақами 4 ва шуъбаи амнияти миллӣ ба истифода дода мешаванд.
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
