Дар Истанбул ҷашни Наврӯзи аҷдодиро пуршукӯҳ таҷлил намуданд
ДУШАНБЕ, 20.03.2018 /АМИТ «Ховар»/. 18 марти соли равон бо ташаббуси Консулгарии генералии Ҷумҳурии Тоҷикистон дар шаҳри Истанбул Иди Наврӯзи хуҷастапай дар ҳалқаи ҳамватанон ва донишҷӯёни тоҷик бо шукӯҳи хосса баргузор гардид.
Дар барномаи наврӯзӣ зиёда аз 150 нафар ҳамватанон ва донишҷӯёни тоҷики муқими шаҳри Истанбул ва дигар ноҳияҳои атрофи вилояти Истанбул иштирок карданд.
Дар барномаи наврӯзӣ Консули генералии Ҷумҳурии Тоҷикистон дар шаҳри Истанбул М.Сафаров сухан гуфта, ҳамватанон ва донишҷӯёни тоҷикро ба муносибати Иди байналмилалии Наврӯз ва оғози фасли баҳор самимона табрик гуфта, ҳозиринро ба таҳкими дӯстӣ, поксозии қалбҳо ва ваҳдату ягонагӣ даъват кард. Зикр гардид, ки бо дастгирии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷашни Наврӯз дар кишвари мо сол то сол дар фазои хурраму ободтар баргузор мегардад.
Дар ҷамъомади идона меҳмонон, донишҷӯёни тоҷик ва роҳбарони баъзе донишгоҳҳои муқими шаҳри Истанбул ҳозиринро бо фарорасии Иди байналмилалии Наврӯзи аҷам муборакбод намуданд.
Дар ҷашни наврӯзӣ дастурхони идонаи «ҳафтсину ҳафтшин» бо суманак ва дигар хӯрокҳои миллӣ ороста шуд. Ҳамчунин бахшида ба Соли рушди сайёҳӣ ва ҳунарҳои мардумӣ намунаи ҳунарҳои мардумӣ, асарҳои косибӣ, либосҳои миллӣ, китобҳо оид ба фарҳанги мардуми Тоҷикистон ва маводи таблиғотӣ доир ба муаррифии симои ҷумҳуриамон ба иштирокчиён манзур гардид.
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
