ЭҲТИЁТ- НИМИ ҲАЁТ! Қоидаҳои ҳаракат дар роҳ ва талаботи мавҷударо риоя намуда, ҳаёти худ ва дигаронро зери хатар нагузоред!
ДУШАНБЕ, 16.03.2018 /АМИТ «Ховар»/. Нимаи дуюми 15 марти соли равон дар километри 181-уми роҳи Душанбе –Чаноқ бар асари бархӯрди мошини тамғаи «Land Rover», рақами давлатиаш 5594СТ01 бо мошини хизматии филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон корманди роҳ А. Каримов ба ҳалокат расида, корманди дигари он И. Муродов бо ҷароҳатҳои вазнини ҷисмонӣ дар беморхона бистарӣ гардид. Аз ронанда ва мусофирони мошини «Land Rover» ягон нафар осеб надидааст.
Тавре аз маркази матбуоти филиали ширкати мазкур ба АМИТ «Ховар» хабар доданд, кормандони зикршуда аз нафарони масъулиятшиносу поквиҷдон буда, замони рух додани садама онҳо дар ин масир машғули коркарди роҳ бо маводи зиддилағжиш буданд.
Боиси нигаронӣ аст, ки баъзе ронандагон қоидаҳои ҳаракат дар роҳро риоя накарда, дар аксар маврид суръати ҳаракатро баланд намуда, ба самти муқобили ҳаракат мебароянд, ки ин хавфи ба амал омадани садамаҳои нақлиётиро ба вуҷуд оварда, боиси ҳалокати одамон мегардад.
Роҳбарияти филиали ширкат аз кулли ронандагон даъват ба амал меорад, ки қоидаҳои ҳаракат дар роҳ ва талаботи мавҷударо риоя намуда, ҳаёти худ ва дигаронро зери хатар нагузоранд. Зеро тамоми ибтикороти кормандони филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон маҳз ба хотири таъмини ҳаракати бехатари мусофирону ронандагон нигаронида шудааст.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
