Гурӯҳи «Humming House»-и Амрико: «Тоҷикистони дилрабо ба мо хеле писанд омад»
ДУШАНБЕ, 6.03.2018. /АМИТ «Ховар»/. Якканавози гурӯҳи навозандагони машҳури «Humming House» аз Иёлоти Муттаҳидаи Амрико Ҷустин Уайд, ки чанде пеш дар Филармонияи давлатии Тоҷикистон ба номи А. Ҷӯраев аввалин барномаи консертии худро баргузор намуд, пас аз консерт ба мардуми тоҷик изҳори сипос намуда, зикр намуд, ки «Тоҷикистони дилрабо ба мо хеле писанд омад ва мо тӯли чанд рӯзи сафар аллакай ба ин мамлакат дил бастаем ва табиати дилфериби ин кишвари офтобӣ моро мафтун сохт».
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» иттилоъ доданд, сафари гурӯҳи мазкур ба Тоҷикистон бо даъвати Сафорати Иёлоти Муттаҳидаи Амрико дар Ҷумҳурии Тоҷикистон сурат гирифта, барномаи консертӣ бо дастгирии Вазорати фарҳанги Ҷумҳурии Тоҷикистон гузаронида шуд.
Маврид ба зикр аст, ки гурӯҳи навозандагони машҳури «Humming House» на танҳо дар ИМА, балки дар тамоми ҷаҳон маъруфият доранд. Чанде қабл гурӯҳи мазкур дар Ҷумҳурии Қазоқистон низ барномаҳои консертии худро манзури дӯстдорони санъат гардонида буд.
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
Дар шаҳри Бӯстон трансформатори муосир насб гардид
