НОРАК ГУЛЗОР МЕШАВАД. Дар ин шаҳри саноатӣ таҳти унвони «Ободонию тозагӣ -суннати наврӯзӣ» ҳашари ниҳолшинонӣ доир гардид
НОРАК, 16.03.2018 /АМИТ «Ховар»/. Дар доираи омодагиҳо ба ҷашни байналмилалии Наврӯзи аҷам бо иштироки зиёда аз 300 нафар кормандони муассисаҳои таълимӣ, идораҳои коммуналии ободонӣ ва бахшу шуъбаҳои ҳукумати шаҳри Норак дар атрофи майдони варзишӣ, маркази шаҳр ва макони баргузории барномаҳои наврӯзӣ таҳти унвони «Ободонию тозагӣ -суннати наврӯзӣ» ҳашари ниҳолшинонӣ доир гардид. Зимни он зиёда аз 200 бех ниҳолҳои ороишию сояафкан шинонида шуданд. Дар ин бора мудири шуъбаи рушди иҷтимоӣ ва робита бо ҷомеаи шаҳри Норак Ҳабиба Сафарова ба хабарнигори АМИТ «Ховар» иттилоъ дод.
Ҳамчунин бо мақсади ободонию сабзазоркунии маркази шаҳр кормандони муассисаи Хоҷагии манзилию коммуналии шаҳри Норак дар гармхонаи худ зиёда аз 15 намуд гулҳои мавсимӣ сабзонда, имрӯзҳо ду паҳлӯи маркази шаҳрро гулзор менамоянд.
Тибқи иттилои сардори Хоҷагии манзилию коммуналии шаҳри Норак Мазҳариддин Саидов, онҳо дар гармхонаи мазкур зиёда аз 80 ҳазор дона гулҳои замонавии ба мавсимҳои сол тобовар парвариш намуда, баҳри дар сатҳи баланд истиқбол гирифтани меҳмонони ҷашни Наврӯз маркази шаҳрро сарсабзу шукуфон мекунанд.
Дар баробари ин гулпарварони муассиса ба муштариён намудҳои зебою гуногуни гулҳоро барои фурӯш пешниҳод менамоянд.
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
