«ПАНҶИ ПОЁН»: аз қочоқчиён зиёда аз 35 кг маводи мухаддир мусодира гардид
ДУШАНБЕ, 28.03.2018 /АМИТ «Ховар»/. 20 марти соли 2018, соати 19:20 дар шуъбаи назорати сарҳадии “Панҷи поён” аз ҷониби наряди сарҳадии “Азназаргузаронии воситаҳои нақлиёт” дар якҷоягӣ бо кормандони Хадамоти гумрук ҳангоми азназаргузаронии воситаи нақлиёти боркаши тамғаи “Дулан”, рақами давлатиаш ТҶ 8132 АР 01, таҳти ронандаи шаҳрванди Ҷумҳурии Тоҷикистон аз махфигоҳи дохили воситаи нақлиёт маводи сахттаъсири нашъадори навъи героин ба миқдори тахминан 2 кг ошкор ва мусодира карда шуд.
Тавре аз маркази матбуоти Қӯшунҳои сарҳадии КДАМ Ҷумҳурии Тоҷикистон ба АМИТ “Ховар” хабар доданд, ҳамчунин 21 марти соли равон, соати 10:50 аз тарафи хизматчиёни ҳарбии Қӯшунҳои сарҳадии КДАМ ҶТ дар минтақаи Отряди сарҳадии «Ҳамадонӣ» убури ғайриқонунии қоҷоқчиёни афғон аз сарҳади давлатӣ ва кӯшиши интиқоли маводи мухаддир ба Ҷумҳурии Тоҷикистон пешгирӣ карда шуд.
“Ҳангоми убури ғайриқонунии марзи давлатӣ 4 нафар қочоқбарони афғон бо сарҳадбонон рӯ ба рӯ шуданд. Дар натиҷаи задухӯрди мусаллаҳона як нафар қочоқчӣ безарар ва як нафар захмӣ гардида, боқимонда ба тарафи Ҷумҳурии Исломии Афғонистон фирор карданд”,-гуфт манбаъ.
Ҳангоми азназаргузаронӣ аз ҷои ҳодиса 32 кг маводи мухаддири навъи афюн ва зиёда аз 1 кг ҳашиш дарёфт ва мусодира карда шуд.
Оид ба ин ҳодисаҳо корҳои тафтишотӣ идома доранд.
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
