Тоҷикистону Покистон ҷиҳати тайёр намудани кадрҳои баландихтисос омодаи ҳамкориянд
ДУШАНБЕ, 01.03.2018 /АМИТ «Ховар»/. Вазири корҳои дохилӣ Рамазон Раҳимзода бо ҳайати гурӯҳи кории Ҷумҳурии Исломии Покистон таҳти сарварии ҳамоҳангсози миллии Мақомоти миллии мубориза бо терроризм Эҳсон Ғанӣ Хон, муовини Вазири корҳои дохилии Ҷумҳурии Исломии Покистон Муҳаммад Сиддиқӣ, Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Тариқ Иқбол Сумро мулоқот намуд.
Тавре аз Вазорати корҳои дохилӣ ба мухбири АМИТ «Ховар» хабар доданд, зимни вохӯрӣ Вазири корҳои дохилӣ меҳмононро ба сарзамини Тоҷикистон хайрамақдам гуфта, зикр кард, ки мо ҳамеша омодаем бо ҷумҳурии ба мо бародару дӯст ҳамкории худро густариш дода, дар самти мубориза бар зидди терроризм, экстремизм, гардиши ғайриқонунии маводи мухаддир ва дигар таҳдиду хатарҳои ҷаҳони муосир муборизаи беамон барем.
Ҳамоҳангсози миллии Мақомоти миллии мубориза бо терроризм Эҳсон Ғанӣ Хон ба Вазири корҳои дохилӣ изҳори миннатдорӣ намуда, гуфт, ки «мардуми Тоҷикистон дар фазои сулҳу осоиштагӣ фаъолият намуда, дар даврони соҳибистиқлолӣ ба дастовардҳои назаррас ноил гардидаанд. Ман ба он нафароне, ки баҳри пешрафту тараққиёти ин сарзамини биҳиштосо ҳиссаи арзанда гузоштаанд, арзи сипос менамоям».
Зимни мулоқот зикр гардид, ки ҷиҳати тайёр намудани кадрҳои баландихтисос, омӯзиши таҷрибаи ҳамдигар ва бозомӯзии забонҳои хориҷӣ ҷониби Покистон омода аст дар ин самт ҳамкорӣ намояд.
Ба иттилои манбаъ, вохӯрӣ дар фазои дӯстӣ, якдигарфаҳмӣ ва ҳусни тафоҳум анҷом пазируфт.
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
