ДӮСТӢ ҒАЛАБА КАРД! Дастаҳои «Хуҷанд»-и Хуҷанд ва «Динамо»-и Самарқанд бозии рафиқона анҷом доданд

ДУШАНБЕ, 23.04.2018 /АМИТ «Ховар»/. 20 апрел дар доираи Рӯзҳои фарҳангии вилояти Суғди Ҷумҳурии Тоҷикистон дар вилояти Самарқанди Ҷумҳурии Ӯзбекистон дастаҳои  футболи «Хуҷанд»-и шаҳри Хуҷанд ва «Динамо»-и шаҳри Самарқанд дидори дӯстона анҷом доданд

Тавре аз Хадамоти матбуоти Раиси вилояти Суғд ба АМИТ «Ховар» иттилоъ доданд, ин вохӯрии дӯстона дар варзишгоҳи «Динамо»-и шаҳри Самарқанд доир гардида, бо ҳисоби мусовии 2 бар 2 ба анҷом расидааст.

Гуфта мешавад, ки ҷараёни бозии мазкурро роҳбарони вилоятҳои Суғду Самарқанд Раҷаббой Аҳмадзода ва Туробҷон Ҷӯраев, инчунин теъдоди зиёди сокинони Самарқанд тамошо намуданд.