Дар ноҳияи Лахш барқарорсозии каналҳои Пиёзӣ ва Ғулама, ки зиёда аз 2700 гектар замини картошкаро обёрӣ менамоянд, босуръат ҷараён дорад
ЛАХШ, 4.04.2018 /АМИТ «Ховар»/. Дар маҷлиси ҷамъбастии Ҳукумати Ҷумҳурии Тоҷикистон вобаста ба зиёд намудани майдони кишти картошка ва истеҳсоли он аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъулин як зумра дастуру супоришҳо дода шуданд. Дар робита ба ин супоришҳо айни замон дар ноҳияи Лахш тадбирҳои зарурӣ андешида мешаванд.
Соли гузашта бинобар сабаби фаромадани селу тарма чанд канали ноҳия хароб гардида буд. Аз ҷумла, саргаҳи канали Пиёзӣ ва қубурҳои он корношоям гардиданд. Ҳолати табиии ба амал омада, дар маркази таваҷҷуҳи Пешвои миллат муҳтарам Эмомалӣ Раҳмон ва Ҳукумати ҷумҳурӣ қарор гирифт. Барои пурра барқарор сохтани канали Пиёзӣ аз ҳисоби Кумитаи ҳолатҳои фавқулода ва мудофиаи граждании Ҷумҳурии Тоҷикистон 35 тонна семент, 10 ҳазору 770 литр сўзишвории дизелӣ, 7 тонна арматур ва 400 кг швеллер ба ноҳияи Лахш ворид гардид. Айни замон корҳои барқарорсозию тоза намудани канали Пиёзӣ босуръат ҷараён дошта, зиёда аз 1000 нафар сокинону деҳқонони ҷамоатҳои шаҳраку деҳоти Ваҳдат ва Ҷиргатол дар ҳашарҳои умумӣ иштирок доранд.
Ҳукумати ноҳияи Лахш баҳри барқарорсозии канали мазкур аз тамоми имкониятҳо истифода намуда, техникаҳои зарурӣ дастрас намудааст. Масофаи канали мазкур 16 км-ро ташкил намуда, он зиёда аз 1000 гектар заминро обёрӣ менамояд. Тибқи иттилои масъулини ноҳия, то мавсими кишти картошка харобиҳои канали мазкур пурра барқарор мешаванд.
Инчунин канали Ғулама, ки зиёда аз 1700 гектар замини корамро обёрӣ менамуд ва масофаи он 94 км мебошад, дар натиҷаи офатҳои табиӣ зарар дид. Айни замон он бо кумаки Ҳукумати ҷумҳурӣ ва қувваи сокинони ноҳия таъмир гардида истодааст.
Соли равон дар ноҳияи Лахш мувофиқи дастури Президенти Ҷумҳурии Тоҷикистон муҳтарам Эмомалӣ Раҳмон дар майдони 3 ҳазор гектар заминҳои сохтори кишоварзӣ бояд картошка кишт намоянд. Барои ноил гардидан ба ин ҳадафи бузург масъулини ноҳияи Лахш тадбирҳои зарурӣ андешида, корҳои омодагӣ босуръат ҷараён доранд.
Дар Ёвон бахшида ба 31-солагии таъсиси Ҳизби Халқии Демократии Тоҷикистон ҳамоиши тантанавӣ доир шуд
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Ҳизби Халқии Демократии Тоҷикистон-пояи устувори мафкураи сиёсӣ дар роҳи ташаккули давлатдории миллӣ
Дар Шаҳринав бо сокинон ва соҳибкорон оид ба истифодаи самараноки неруи барқ вохӯрӣ доир шуд
Имрӯз дар баъзе ноҳияҳои Тоҷикистон туман мефарояд
Дар Душанбе бахшида ба Рӯзи ҳуқуқи инсон ҳамоиш баргузор мегардад
Комрон Кенҷаев: «Мо шабакаро дар тамоми ҳудуди Хатлон бунёд карда, муосир мегардонем»
Доир ба нақши Ҳизби Халқии Демократии Тоҷикистон дар таъмини пешрафт ва зиндагии шоистаи мардум конференсия баргузор шуд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Ба муносибати Рӯзи байналмилалии мубориза бар зидди коррупсия дар Файзобод конференсияи илмӣ доир гардид
Сафири Тоҷикистон бо муовини вазири корҳои хориҷии Арабистони Саудӣ мулоқот намуд
Имрӯз дар ноҳияҳои доманакӯҳи Тоҷикистон бориши борон ва барф дар назар аст
