ФУТБОЛ: дастаи «Истиқлол» дар ҷадвали Лигаи олӣ ба ҷои аввал баромад

ДУШАНБЕ, 16.04.2018 /АМИТ «Ховар»/. Чемпиони  кунунии мамлакат дастаи футболи  «Истиқлол»-и Душанбе дар даври 5-уми Лигаи олӣ бар дастаи футболи  «Хуҷанд»-и Хуҷанд бо ҳисоби 1:0 ғолиб омад.

Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, голи ягонаи вохӯрии мазкурро футболбози   соҳибтаҷрибаи    «Истиқлол» Дилшод Восиев дар дақиқаи 77-ум пас аз партофти Фатҳулло Фатҳуллоев ба нишон расонд. Пас аз ин пирӯзӣ  дастаи футболи «Истиқлол»  бо  12 имтиёз дар зинаи аввали ҷадвали Лигаи олӣ ҷой гирифт.

Дастаи футболи  «Хуҷанд» бо 10 хол мақоми дуюмро касб кард. Дар бозии дигари даври 5-ум дастаи  футболи   «Регар – ТадАЗ»-и Турсунзода дастаи  футболи «Панҷшер»- и Ҷалолиддини  Балхиро  бо ҳисоби  3:1 мағлуб кард.