Ғолибони Ниммарафони IX байналмилалии Душанбе муайян гардиданд
ДУШАНБЕ, 21.04.2018 /АМИТ «Ховар»/. Имрӯз дар шаҳри Душанбе Ниммарафони IX байналмилалии Душанбе доир гардид. Мусобиқаи мазкур бахшида ба таҷлили Рӯзи пойтахт роҳандозӣ шуда, дар он беҳтарин варзишгарони қитъаи Осиё ва Аврупо иштирок намуданд.
Тавре мудири бахши варзиши Раёсати кор бо ҷавонон ва варзиши шаҳри Душанбе Раҷабалӣ Турсунзода ба хабарнигори АМИТ “Ховар” иброз дошт, дар мусобиқаи мазкур зиёда аз 47нафар варзишгарон аз 18 давлати дунё иштирок ва дар давидан ба масофаи 21 километр маҳорати худро нишон доданд.
«Мусобиқа дар сатҳи баланди ташкилию касбӣ доир шуд. Дар қатори намояндагони мамолики дигар варзишгарони тоҷик низ рақобат намуда, кӯшиш намуданд ҷойҳои намоёнро ишғол намоянд. Аксарияти варзишгароне, ки дар ниммарафон иштирок намуданд, иштирокдорони Бозиҳои олимпӣ ва дигар мусобиқаҳои сатҳи ҷаҳонӣ буданд»,- гуфт Раҷабалӣ Турсунзода.
Ба иттилои номбурда, дар ҷамъбасти натиҷаҳои ниммарафон дар байни мардон Тефера Гома аз Эфиопия сазовори ҷои аввал ва Майма Ретер аз Кения соҳиби ҷои дуюм гардиданд. Фенте Гирма аз Эфиопия, Адилет Куштанбеков, Тапкин Илия аз Қирғизистон ва Андрей Петров аз Ӯзбекистон низ маҳорати хуб нишон дода, сазовори ҷойҳои ифтихорӣ шуданд.
Тибқи қарори Раиси шаҳри Душанбе, ба варзишгароне, ки имсол дар ниммарафон ҷойҳои аз 1-ум то 6-умро соҳиб мегарданд, мукофоти пулӣ тақдим карда мешавад: барои ҷои 1-ум – 31150 сомонӣ, ҷои дуюм- 26700 сомонӣ, ҷои сеюм- 22250 сомонӣ, ҷои чорум – 17800 сомонӣ, ҷои панҷум – 16020 сомонӣ ва ҷои шашум – 13350 сомонӣ муқаррар карда шудааст.
Қобили зикр аст, ки Ниммарафони байналмилалии Душанбе мақоми байналмилалӣ гирифта, ба тақвими мусобиқоти Ассотсиатсияи байналмилалии марафонҳо ва давҳо дар масофаҳои дур шомил карда шудааст.
Хотиррасон менамоем, ки аввалин бор Ниммарафони байналмилалӣ дар Душанбе ба масофаи 21 километру 97,5 метр бо иштироки варзишгарон аз 14 бародаршаҳри Душанбе ва беҳтарин давандаҳои Тоҷикистон моҳи апрели соли 2010 баргузор гардида буд.













Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд






