Сардори РВКД-и Суғд ҷавононро ба зиракиву ҳушёрӣ ва бетараф набудан дар пешгирии амалҳои номатлуб дар ҷомеа даъват намуд
ХУҶАНД, 30.04.2017. /АМИТ «Ховар»/. Бо ибтикори роҳбарияти Раёсати Вазорати корҳои дохилаи Ҷумҳурии Тоҷикистон /РВКД ҶТ/ дар вилояти Суғд дар Кохи фарҳанги «Суғдиён»-и шаҳри Хуҷанд бо иштироки беш аз 500 нафар донишҷӯёну устодони Донишгоҳи давлатии ҳуқуқ бизнес ва сиёсати Тоҷикистон ва ҷавонони фаъоли гурӯҳи «Авангард» вохӯрии судманд баргузор гардид.
Ба иттилои хабарнигори минтақавии АМИТ «Ховар», зимни мулоқот масъалаҳои вобаста ба таълиму тарбия, содиршавии ҷинояткорӣ, шомилшавӣ ба ҳар гуна ҳизбу ҳаракатҳои ифротӣ, хизмат дар сафи Қувваҳои Мусаллаҳи кишвар ва манъи ҳозиршудан ба донишгоҳҳо бо мошини шахсӣ мавриди муҳокима қарор гирифтанд.
Аз ҷумла, дар оғози мулоқот ректори Донишгоҳ, профессор Мумин Шарифзода доир ба арзишмандии фаъолияти шабонарӯзии кормандони милитсия дар таъмини волоияти қонун ва ҳифзи тартиботи ҷамъиятӣ ёдовар гашта, иқдоми пешгирифтаи роҳбарияти мақомоти корҳои дохилии вилоятро боиси дастгири хонд ва баён дошт, ки маҳаки асосии мулоқоти имрӯза ин тарбия ва ба амалҳои шоиста ҳидоят намудани ҷавонон ба ҳисоб меравад.
Сардори РВКД ҶТ дар вилояти Суғд, генерал-майори милитсия Қудратулло Назарзода суханронӣ намуда, ҳамкории муассисаҳои таълимиро бо мақомоти корҳои дохилии вилоят дар ташкили мулоқоту суҳбатҳои ошкоро баҳри баланд бардоштани маърифати ҳуқуқии ҷавонон назаррас арзёбӣ кард.
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Имрӯз дар шаҳри Душанбе ҳаво то 39 дараҷа гарм мешавад
