БА ТАВАҶҶУҲИ МУҲОҶИРОН – ШАҲРВАНДОНИ ҶУМҲУРИИ ТОҶИКИСТОН! Ташхису табобати бемории норасоии ВНМО (ВИЧ) дар қаламрави ҷумҳурӣ ройгон аст
ДУШАНБЕ, 16.05.2018 /АМИТ «Ховар»/. Вазорати меҳнат, муҳоҷират ва шуғли аҳолии Ҷумҳурии Тоҷикистон аз тамоми шаҳрвандони ҷумҳурӣ эҳтиромона хоҳиш менамояд, ки пеш аз сафар ба муҳоҷирати меҳнатӣ аз хатари сироятёбии бемории вируси норасоии масунияти одам ва воситаҳои пешгирии он дар марказҳои тиббӣ огаҳӣ пайдо намуда, ҳангоми дар муҳоҷирати меҳнатӣ будан худро аз он эҳтиёт намоянд ва дар бозгашт ҳатман аз ташхиси бемории мазкур гузаранд.
Мавзӯи бемориҳои сирояткунанда, бахусус бемории норасоии масунияти одам (ВНМО; ВИЧ) кишварҳои оламро ба ташвиш овардааст. Бемории вируси норасоии масунияти одам яке аз мушкилоти ҳифзи саломатии инсон дар ҷаҳони имрӯза шинохта шудааст. Ҳамасола теъдоди зиёди одамон дар ҷаҳон аз ин беморӣ сироят меёбанд ва ба ҳалокат мерасанд. Омили асосии он беэҳтиётӣ ва надонистани чораҳои пешгирӣ аз сироятёбӣ мебошад.
Тибқи хулосаи мутахассисон, хатари сироятёбӣ аз ин беморӣ дар давраи муҳоҷирати меҳнатӣ бештар ҷой дошта, он аксар маврид тавассути хунгузаронӣ, алоқаи ҷинсӣ ва аз шири модари сироятёфта мегузарад.
Ҳукумати мамлакат дар ҳамкорӣ бо созмонҳои байналмилалӣ ва аҳли ҷомеа барои пешгирӣ ва аз байн бурдани ин беморӣ барномаҳои мушаххасро татбиқ намуда истодааст. Марказҳои саломатӣ ва тарзи ҳаёти солим дар ҳамкорӣ бо мақомоти марбута корҳои фаҳмондадиҳиро вусъат мебахшанд.
Бемории ВНМО аз ҳамаи бемориҳо, ҳатто аз саратон ҳам бештар хатарноктар аст, вале ташхису табобати ин беморӣ имкон дорад ва он дар саросари Тоҷикистон ба таври ройгон ба роҳ монда шудааст.
Саломатии худ ва фарзандонатонро ҳифз намоед ва иттилои мазкурро ба дӯстону наздикон расонед.
Дар Душанбе Шурои миллии ҳамоҳангсозӣ оид ба масъалаҳои тандурустӣ доир шуд
Ба киҳо барои ба рухсатии меҳнатии ҳарсолаи пардохтшаванда баромадан кафолат дода мешавад? Шарҳи коршиносон
Барои таҳкими субот дар минтақаҳои аз офатҳои табиӣ осебпазир Ёддошти тафоҳум ба имзо расид
МАСЛИҲАТИ МУТАХАССИС. Истеъмоли хӯроки вазнин дар фасли баҳор боиси авҷи бемории гастрит мегардад
Дар Тоҷикистон 71 фоизи кормандони соҳаи тибро занон ташкил медиҳанд
Мумина Шовалиева: «Растаниҳои худрӯйи Тоҷикистон дар фасли баҳор ҷузъи ҷудонашавандаи таомҳои миллӣ мебошанд»
Занону модарони тоҷик тақдирсоз ва таърихсоз мебошанд
Нақши занон дар хизмати давлатӣ барои рушди ҷомеа ва давлат аҳамияти бузург дорад
Бахшида ба Рӯзи Модар ҳамоиши занони соҳаи таҳсилоти ибтидоӣ ва миёнаи касбӣ баргузор шуд
Шоҳона Сулаймон: «Сарриштаи зиндагиву рӯзгори ҳар як оила, пеш аз ҳама, дар дасти Зан-Модар аст»
Дар Агентии суғуртаи иҷтимоӣ ва нафақаи Тоҷикистон Рӯзи Модар ботантана таҷлил карда шуд
Вазорати нақлиёти Тоҷикистон: «Ба ронандагон тавсия дода мешавад, ки бе зарурати шадид бо роҳҳои кӯҳӣ ба сафар набароянд»
