Дар Хоруғ бахшида ба Рӯзи Ғалаба ва Рӯзи ҷавонон байни ниҳодҳои қудратию низомӣ мусобиқаи варзишӣ оид ба волейбол оғоз ёфт
ХОРУҒ, 05.05.2018 /АМИТ «Ховар»/. Бо ташаббуси Раёсати Кумитаи давлатии амнияти миллии Ҷумҳурии Тоҷикистон дар Қасри варзиши шаҳри Хоруғ бахшида ба Рӯзи Ғалаба ва Рӯзи ҷавонон байни дастаҳои сохторҳои қудратию низомӣ мусобиқаи варзишӣ оид ба волейбол оғоз гардид.
Тавре хабарнигори минтақавии АМИТ “Ховар” хабар медиҳад, раиси Вилояти Мухтори Кӯҳистони Бадахшон Шодихон Ҷамшед иштирокдорони мусобиқаро бо Рӯзи Ғалаба ва Рӯзи ҷавонон табрик намуда, изҳор дошт, ки ҳардуи ин ҷашн бо ҳам пайвастагии зич доранд.
Ш. Ҷамшед аз ширкати фаъоли кормандони мақомоти ҳифзи ҳуқуқ, бахусус занону духтарон дар чорабиниҳои варзишӣ хуш истиқбол карда, баён дошт, ки чунин мусобиқаҳои оммавӣ ба фикру ақида, рафтору пиндори ҷавонон таъсири мусбат мегузоранд ва назари онҳоро нисбат ба зуҳуроти зишти ҷомеа ба мисли терроризму экстеримистӣ, нашъамандию нашъҷаллобӣ комилан тағъир медиҳанд.
Зикр шуд, ки агар ҷавонон дар чунин ҳамоишҳои оммавӣ бештар ширкат варзанду бо ҳам дидору мулоқот кунанд, ҳамон қадар риштаи дустӣ байнашон мустаҳкамтар мешавад ва ҳеҷ қуввае наметавонад онҳоро ба манфиати ғаразҳои шахсии худ истифода барад.
Сардори Раёсати Кумитаи давлатии амнияти миллии Ҷумҳурии Тоҷикистон дар вилоят Маҳмадқул Мелеков аз ҷавонон даъват намуд, ки бештари вақти худро ба андӯхтани дониш ва солимии ҷисму рӯҳ масраф намоянд. Зеро танҳо дониш, маҳорату малакаи варзишию фарҳангии ҷавонон ба пешрафти риштаҳои иқтисодию иҷтимоӣ, илмию фарҳангии кишвар мусоидат хоҳад кард.
Дар мусобиқаи варзишӣ ҳафт дастаи занона аз Раёсати Кумитаи давлатии амнияти миллии ҶТ, РВКД, Қушунҳои сарҳадӣ, Прокуратура, Суд, Комиссариати ҳарбӣ ва Раёсати Хадамоти давлатии оташнишонии вилоят ширкат меварзанд. Ғолибони мусобиқаро мукофотҳои арзишнок интизор аст.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
