Дар шаҳри Ҳисор корхонаи истеҳсоли тракторҳо ба истифода дода мешавад
ҲИСОР, 11.05.2018 /АМИТ «Ховар»/. Рӯзҳои наздик дар шаҳри Ҳисор корхонаи истеҳсоли тракторҳо ба кор шурӯъ хоҳад кард. Корхонаи мазкур ҶСП «Агротехсервис» ном дошта, фаъолияти худро дар самти истеҳсоли механизмҳои кишоварзӣ, машинаҳои ғаллағундор ва тракторҳо ба роҳ хоҳад монд. Дар ин бора мухбири минтақавии АМИТ «Ховар» Ҳотам РАБИЕВ бо истинод ба суханони Пайрав САЙФИДДИНОВ, мутахассиси бахши саноат, сохтмон ва меъмории мақомоти иҷроияи ҳокимияти давлатии шаҳри Ҳисор хабар медиҳад.
Ба иттилои манбаъ, пас аз ба истифода додани корхона 43 нафар шаҳрвандон бо ҷои кори доимӣ таъмин хоҳанд шуд. Қисмҳои гуногуни трактор аз Ҷумҳурии Беларус оварда шуда, дар корхонаи мазкур васлу насб мегарданд.
Мавриди зикр аст, ки муносибатҳои дӯстонаи Тоҷикистону Беларус сол то сол рушду густариш меёбанд. Корхонаи истеҳсоли трактор дар шаҳри Ҳисор натиҷаи ҳамкории пурсамари ду давлати ба ҳам дӯст мебошад.
Бояд гуфт, ки рушди соҳаи кишоварзиро бидуни техникаи муқтадири ҳозиразамон тасаввур кардан имконнопазир аст. Бинобар ин корхонаи мазкур дар таъмини амнияти озуқаворӣ саҳми муносиб хоҳад гузошт.
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
