Падамжа Ханделвал, роҳбари Ҳайати ХБА оид ба Тоҷикистон, НБО «Роғун»-ро иншооти бузурги стратегӣ арзёбӣ намуд
ДУШАНБЕ, 15.05.2018 /АМИТ «Ховар»/. Ҳайати намояндагии Хазинаи Байналмилалии Асъор /ХБА/ таҳти сарварии Падамжа Ханделвал, ки роҳбари Ҳайати ХБА оид ба Тоҷикистон мебошад, бо ҳамроҳии Муовини якуми Раиси Бонки миллии Тоҷикистон Ҷамолиддин Нуралиев ҷиҳати шиносоӣ бо корҳои сохтмонии иншооти бузурги стратегӣ аз ҶСК «НБО Роғун» дидан кард. Дар ин бора аз Бонки миллии Тоҷикистон ба АМИТ «Ховар» хабар доданд.
Бино ба иттилои манбаъ, зимни сафар Муовини якуми Раиси Бонки миллии Тоҷикистон Ҷамолиддин Нуралиев ба ҳайати намояндагии ХБА оид ба Неругоҳи барқии обии «Роғун», аҳамият ва нақши он дар рушди иқтисодиёти Тоҷикистон ва мавқеи он барои минтақаи Осиёи Марказӣ, зарурати ҷалби сармоягузорӣ баҳри расидан ба ҳадафҳои рушд маълумот дод.
Инчунин муовини директори ҶСК «НБО Роғун» Маҳмадсаид Шамсуллозода дар бораи таҳияи лоиҳаи ин иншоот, хусусиятҳои техникӣ, гидроэнергетикӣ ва аз ҷиҳати техникӣ, сейсмикӣ устувор будани он маълумоти муфассал манзур намуд.
Роҳбари Ҳайати ХБА оид ба Тоҷикистон Падамжа Ханделвал баъди шиносоӣ бо корҳои сохтмонии НБО «Роғун» онро иншооти хеле бузург ва стратегӣ арзёбӣ намуда, изҳор дошт, ки Тоҷикистон кори ниҳоят бузургро азм кардааст.
Бояд гуфт, ки Ҳайати намояндагии ХБА таҳти роҳбарии Падамжа Ханделвал аз 12 то 23 майи соли 2018 ҷиҳати шиносоӣ бо вазъи иқтисодӣ, аз ҷумла низоми бонкӣ ва таҳияи шарҳи иқтисодӣ оид ба Ҷумҳурии Тоҷикистон бо сафари корӣ дар Тоҷикистон қарор дорад.
Дар шаҳри Норак ҳашари экологии «Тозагии обанбор» баргузор гардид
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
