Тартиб оид ба ҷалби агентҳои бонкии пардохтӣ ва амалисозии назорати риояи шартҳои ҷалби онҳо таҳия ва тасдиқ гардид
ДУШАНБЕ, 17.05.2018 /АМИТ «Ховар»/. Аз ҷониби Бонки миллии Тоҷикистон санади меъёрии «Тартиб оид ба ҷалби агентҳои бонкии пардохтӣ ва амалисозии назорати риояи шартҳои ҷалби онҳо» таҳия ва тасдиқ карда шуд. Дар ин бора аз Бонки миллии Тоҷикистон хабар доданд.
Ба иттилои манбаъ, тасдиқи тартиби мазкур бо мақсади афзоиш додани дастрасии табақаҳои васеи аҳолӣ ба хизматрасониҳои молиявӣ, аз ҷумла дар манотиқи дурдасти кишвар, рушди хизматрасониҳои пардохтӣ ва вусъат додани ҳисоббаробаркуниҳои ғайринақдӣ, инчунин самаранок истифода бурдани инфрасохтори мавҷудаи ташкилотҳои қарзӣ мебошад.
Алҳол ташкилотҳои қарзӣ имконият пайдо карданд, ки тибқи муқаррароти Қонуни Ҷумҳурии Тоҷикистон «Дар бораи хизматрасониҳои пардохтӣ ва низоми пардохтӣ», барои анҷом додани амалиёти алоҳидаи бонкӣ шахсони ҳуқуқӣ ё соҳибкорони инфиродиро ба ҳайси агентҳои бонкиии пардохтӣ ҷалб намоянд.
Мавриди зикр аст, ки тартиби мазкур дар якҷоягӣ бо коршиносони байналмилалӣ ва бо дарназардошти таҷрибаи давлатҳои пешрафта таҳия гардида, 3 майи соли 2018, таҳти №927 дар Вазорати адлияи Ҷумҳурии Тоҷикистон ба қайд гирифта шуд.
Имрӯз дар ноҳияҳои кӯҳии Тоҷикистон ҳаво то 23 дараҷа гарм мешавад
Барои таъсиси Маркази миллии таълимии гузаштани зинаи магистратура дар соҳаи физикаи тиббӣ Ёддошти ҳамкорӣ ба имзо расид
Имрӯз дар Тоҷикистон ҳаво то 30 дараҷа гарм мешавад
Ҷанг Вон Сам: «Ҳукумати Ҷумҳурии Корея дар оянда низ ҳамкориро бо Тоҷикистон тақвият мебахшад»
Имрӯз дар ноҳияҳои кӯҳии Тоҷикистон ҳаво то 32 дараҷа гарм мешавад
Дар Душанбе масъалаи таъсири хатари офатҳои табиӣ ба шахсони маъюб баррасӣ гардид
Ҳамкории Агентии амнияти химиявӣ, биологӣ, радиатсионӣ ва ядроии Тоҷикистон бо ширкати «Радметрон»-и Беларус тақвият меёбад
Имрӯз дар шаҳри Душанбе ҳаво то 34 дараҷа гарм мешавад
«МЕРОСИ ХАТТИИ ТОҶИКОН». Таҳти ин унвон дар «Қалъаи Хуҷанд» намоиши нусхаҳои нодири дастнависҳо ифтитоҳ ёфт
Дар Хоруғ ғолибони даври шаҳрии Фестивал-озмуни қаннодӣ ва ҳалвопазӣ қадрдонӣ шуданд
Дар ноҳияи Шамсиддини Шоҳин ҳамоиши вилоятии китобдорон баргузор гардид
Имрӯз дар Тоҷикистон ҳаво то 35 дараҷа гарм мешавад
