Байни Кумитаи давлатии амнияти миллии Ҷумҳурии Тоҷикистон ва Хадамоти бехатарии давлатии Ҷумҳурии Ӯзбекистон Созишномаи ҳамкорӣ ба имзо расид
ДУШАНБЕ, 12.06.2018 /АМИТ «Ховар»/. Имрӯз дар Бӯстонсарои шаҳрии Ҳукумати Ҷумҳурии Тоҷикистон миёни Кумитаи давлатии амнияти миллии Ҷумҳурии Тоҷикистон ва Хадамоти бехатарии давлатии Ҷумҳурии Ӯзбекистон Созишномаи ҳамкорӣ ба имзо расид.
Созишномаи ҳамкориро аз ҷониби Тоҷикистон раиси Кумитаи давлатии амнияти миллӣ Саймумин Ятимов ва аз тарафи Ӯзбекистон раиси Хадамоти бехатарии давлатӣ Ихтиёр Абдуллоев ба имзо расониданд.
Мавриди зикр аст, ки муносибатҳо миёни ҳарду мамлакати дӯсту бародар дар сатҳи сифатан нав қарор доранд. Аз ҷумла, ҳамкориҳои судманд байни Хадамоти махсуси ду кишвар дар самти мубориза ба муқобили таҳдидҳои замони муосир қобили зикр мебошад.
Ҷумҳурии Ӯзбекистон дар миқёси байналмилалӣ ва минтақавӣ мавқеъ ва сиёсати Ҳукумати Ҷумҳурии Тоҷикистонро дар мубориза ба муқобили терроризми байналмилалӣ, аз ҷумла, созмон ва ташкилоти террористиву экстремистии дорои характери динӣ, дигар гурӯҳҳои мусаллаҳе, ки дар хоки Афғонистон амал мекунанд, пурра дастгирӣ менамояд.
Зимни мулоқот таъкид гардид, ки Тоҷикистон ва Ӯзбекистон дар мубориза бар зидди созмонҳои террористиву экстремистӣ мавқеи устувор, қатъӣ ва ягона доранд.
Бояд гуфт, ки ҳамкорӣ миёни ду кишвар дар доираи Созмони Ҳамкории Шанхай ва дигар созмонҳои байналмилаливу минтақавӣ ба таври густурда сурат мегирад.
Кумитаи ҳифзи муҳити зист ба вилояти Хатлон 13 электромотороллер тақдим намуд
Эълони Озмуни ҷумҳуриявии «Хонандаи беҳтарини асарҳои Пешвои миллат» иқдоме дар роҳи худшиносии миллӣ аст
МегаФон Тоҷикистон ба аккумуляторҳои шакли нав мегузарад
Имрӯз дар Тоҷикистон ҳавои тағйирёбанда дар назар аст
Байни мақомоти авиатсионии Тоҷикистон ва Покистон Ёддошти тафоҳум ҷиҳати рушди ҳамкории авиатсионӣ ба имзо расид
Майдони «Истиқлол»-и Душанбе ба макони писандидаи сокинону меҳмонони пойтахт табдил ёфтааст
Сокинони деҳаи Қаҳрамони ноҳияи Шаҳринав бо оби нӯшокӣ таъмин мегарданд
Дар баъзе минтақаҳои Тоҷикистон хавфи омадани сел боқӣ мемонад
Имрӯз дар Тоҷикистон ҳавои тағйирёбанда дар назар аст
Мавсими оббозӣ дар кӯли шаҳри Бӯстон оғоз гардид
Смартфонҳои беҳтарин бо интернети босуръат
Имрӯз дар шаҳри Душанбе ҳаво то 35 дараҷа гарм мешавад
